Stock Market | భారత ఈ క్వారిటీ మార్కెట్ల జైత్రయాత్ర కొనసాగుతున్నది. వరుసగా నాలుగో రోజు మార్కెట్లు లాభాల్లో కొనసాగాయి. గురువారం ట్రేడింగ్లో సూచీలు సరికొత్త రికార్డులను నమోదు చేశాయి. తొలిసారిగా సెన్సెక్స్ 81వేల పాయింట్ల మార్క్ను దాటింది. అదే సమయంలో 81వేల పాయింట్ల ఎగువ ముగియడం మరో విశేషం. ఇక నిఫ్టీ సైతం జీవితకాల గరిష్ఠానికి చేరింది. బెంచ్ మార్క్ సూచీలు గురువారం ఉదయం స్వల్ప నష్టాల్లో మొదలయ్యాయి. అంతర్జాతీయ మార్కెట్లలోని ప్రతికూల ప్రభావం దేశీయ మార్కెట్లపై ప్రభావం చూపింది. టీసీఎస్, ఎల్టీఐమైండ్ట్రీ అంచనాలకు మించి త్రైమాసిక ఫలితాలు వెల్లడించిన విషయం తెలిసిందే.
ఈ క్రమంలో ఆయ రంగాల్లో కొనుగోళ్లు కనిపించాయి. దానికి తోడు బ్యాంకింగ్, ఎఫ్ఎంసీజీ షేర్లు సైతం మద్దతు ఇవ్వడం సూచీలు కోలుకొని సరికొత్త శిఖరాలను అందుకున్నాయి. సెన్సెక్స్ క్రితం సెషన్తో పోలిస్తే 80,514.25 పాయింట్ల వద్ద నష్టాల్లో మొదలైంది. ఆ తర్వాత ఇంట్రాడేలో 80,390.37 పాయింట్ల కనిష్ఠానికి పతనమైన సెన్సెక్స్.. ఆ తర్వాత 81,522.55 పాయింట్ల గరిష్ఠానికి చేరుకొని ఆల్టైమ్ హైకి చేరుకున్నది. చివరకు 626.91 పాయింట్ల లాభంతో 81,343.46 వద్ద ముగిసింది. నిఫ్టీ సైతం నిఫ్టీ సైతం 24,543.80 పాయింట్ల వద్ద నష్టాల్లో ప్రారంభమైంది. ఇంట్రాడేలో 24,504.45 పాయింట్ల కనిష్ఠానికి చేరిన నిఫ్టీ.. ఆ తర్వాత కోలుకొని 24,837.75 పాయింట్లకు పెరిగి జీవితకాల గరిష్ఠాన్ని అందుకున్నది.
చివరకు 187.85 పాయింట్ల లాభంతో 24,800.85 వద్ద స్థిరపడింది. భారతీయ ఈక్విటీ మార్కెట్లు తొలిసారిగా గరిష్ఠాల్లో ముగిశాయి. ట్రేడింగ్లో 1,192 షేర్లు పురోగమించగా.. 2,194 షేర్లు పతనమయ్యాయి. నిఫ్టీలో టీసీఎస్, ఎల్టీఐమైండ్ట్రీ, ఓఎన్జీసీ, బజాజ్ ఫిన్సర్వ్, విప్రో భారీ లాభాల్లో ముగిశాయి. ఏషియన్ పెయింట్స్, హీరో మోటోకార్ప్, గ్రాసిమ్, కోల్ ఇండియా, బజాజ్ ఆటో నష్టాల్లో ముగిశాయి. సెక్టార్లలో బ్యాంక్, ఆటో, ఐటీ, ఎఫ్ఎంసీజీ, టెలికాం 0.3 నుంచి రెండుశాతం వరకు పెరిగాయి. క్యాపిటల్ గూడ్స్, మెటల్, పవర్, మీడియా ఒకటి నుంచి 3.5శాతం తగ్గాయి. బీఎస్ఈ మిడ్క్యాప్, స్మాల్క్యాప్ ఇండెక్స్ ఒకశాతం చొప్పున పతనమయ్యాయి.