Stocks | అంతర్జాతీయ బలహీన పరిస్థితులకు తోడు క్వాంట్ మ్యూచువల్ ఫండ్లో గందరగోళంతో సోమవారం ఉదయం నుంచి నష్టాల్లో కొనసాగిన దేశీయ స్టాక్ మార్కెట్లు.. ట్రేడింగ్ ముగిసే సమయానికి లాభాలతో స్థిర పడ్డాయి. బీఎస్ఈ ఇండెక్స్ సెన్సెక్స్ ట్రేడింగ్ ముగిసే సమయానికి 131 పాయింట్లు (0.17శాతం) లబ్ధి పొంది 77,341 పాయింట్ల వద్ద స్థిర పడింది. మరోవైపు, ఎన్ఎస్ఈ సూచీ నిఫ్టీ 37 పాయింట్లు పుంజుకుని 23,538 పాయింట్ల వద్ద ముగిసింది.
మహీంద్రా అండ్ మహీంద్రా, పవర్ గ్రిడ్, సన్ ఫార్మా, నెస్లే ఇండియా, ఆల్ట్రాటెక్ సిమెంట్, ఐసీఐసీఐ బ్యాంక్, ఐటీసీ, ఎన్టీపీసీ, భారతీ ఎయిర్ టెల్ తదితర సంస్థలు మూడు శాతం వరకూ పుంజుకున్నాయి. మరోవైపు ఇండస్ ఇండ్ బ్యాంక్, అదానీ పోర్ట్స్, టాటా స్టీల్, రిలయన్స్ ఇండస్ట్రీస్, బజాజ్ ఫైనాన్స్, యాక్సిస్ బ్యాంక్, ఎస్బీఐ తదితర సంస్థలు 2.4 శాతం వరకూ నష్టపోయాయి.
బీఎస్ఈ మిడ్ క్యాప్ 0.37 శాతం, స్మాల్ క్యాప్ 0.27 శాతం లాభాలతో ముగిశాయి. మరోవైపు నిఫ్టీ మీడియా 1.8 శాతం నష్టపోతే నిఫ్టీ మెటల్, నిఫ్టీ ప్రభుత్వ బ్యాంక్స్ 0.6 శాతం చొప్పున నష్టపోయాయి. నిఫ్టీ ఆటో 0.9 శాతం పుంజుకున్నది. మరోవైపు ఫారెక్స్ మార్కెట్లో యూఎస్ డాలర్పై రూపాయి మారకం విలువ రూ.83.47 వద్ద స్థిర పడింది.
Samsung Galaxy S24 Ultra | టైటానియం ఎల్లో కలర్లో శాంసంగ్ గెలాక్సీ ఎస్24 ఆల్ట్రా.. ఇవీ డిటైల్స్..!
SBI | ఈ ఏడాది కొత్తగా 400 శాఖలు ప్రారంభిస్తాం.. తేల్చేసిన ఎస్బీఐ చైర్మన్ ఖరా..!
Citroen C3 Aircross | సిట్రోన్ బంపరాఫర్.. సీ3 ఎయిర్ క్రాస్పై రూ.2.62 లక్షల వరకూ డిస్కౌంట్..!