Stock Market Close | దేశీయ స్టాక్ మార్కెట్లు మంగళవారం మరోసారి సరికొత్త జీవితకాల గరిష్ఠాలకు చేరుకున్నాయి. అంతర్జాతీయ మార్కెట్లలోని సానుకూల పవనాలతో మార్కెట్లలో లాభాల్లో కొనసాగిన మార్కెట్లు.. చివరకు రికార్డు స్థాయిలో ముగిశాయి. క్రితం సెషన్తో పోలిస్తే సెన్సెక్స్.. ఉదయం 80,107.21 పాయింట్ల వద్ద లాభాల్లో మొదలైంది. ఇంట్రాడేలో 80,397.17 పాయింట్ల వద్ద గరిష్ఠానికి చేరుకొని ఆల్టైమ్ హైకి చేరుకున్నది. చివరకు 391.26 పాయింట్ల లాభంతో 80,351.64 వద్ద ముగిసింది. నిఫ్టీ సైతం కిత్రం సెషన్తో పోలిస్తే 24,351.00 పాయింట్ల వద్ద లాభాల్లో మొదలైంది.
చివరలో కొనుగోళ్ల మద్దతుతో 24,443.60 పాయింట్లకు పెరిగి జీవితకాల గరిష్ఠానికి చేరింది. చివరకు 112.65 పాయింట్లు పెరిగి.. 24,433.20 వద్ద స్థిరపడింది. ట్రేడింగ్లో దాదాపు 1,771 షేర్లు పెరిగాయి. మరో 1,664 షేర్లు పతనమయ్యాయి. నిఫ్టీలో మారుతీ సుజుకీ, ఎంఅండ్ఎం, ఐటీసీ, టైటాన్ కంపెనీ, దివీస్ ల్యాబ్స్ టాప్ గెయినర్స్గా నిలిచాయి. ఓఎన్టీసీ, టాటా కన్స్యూమర్, రిలయన్స్ ఇండస్ట్రీస్, శ్రీరామ్ ఫైనాన్స్, బజాజ్ ఫైనాన్స్ నష్టపోయాయి. ఐటీ, ఎనర్జీ మినహా అన్ని రంగాల సూచీలు ఆటో, ఎఫ్ఎంసీజీ, హెల్త్కేర్, రియల్టీ షేర్లు ఒకటి నుంచి 2శాతం పెరిగాయి. బీఎస్ఈ మిడ్క్యాప్, స్మాల్క్యాప్ సూచీలు సానుకూలంగా ముగిశాయి.