Stock Market Close | భారతీయ స్టాక్ మార్కెట్లు సోమవారం లాభాల్లో ముగిశాయి. ఆసియా మార్కెట్లలో ప్రతికూల పవనాలు ఉన్నా.. దేశీయ మార్కెట్లు మాత్రం లాభాల్లో కొనసాగాయి. క్రితం సెషన్తో పోలిస్తే సెన్సెక్స్ 80,686.54 పాయింట్ల వద్ద లాభాల్లో మొదలైంది. ఇంట్రాడేలో ఒక దశలో 80,556.97 పాయింట్ల కనిష్ఠానికి చేరిన సెన్సెక్స్ అత్యధికంగా 80,862.54 పాయింట్ల గరిష్ఠానికి పెరిగింది. చివరకు 145.52 పాయింట్ల లాభంతో 80,664.86 వద్ద స్థిరపడింది. నిఫ్టీ సైతం 84.55 పాయింట్ల లాభంతో 24,586.70 వద్ద ముగిసింది.
మార్కెట్లో దాదాపు 1,837 షేర్లు పెరగ్గా.. 1,781 మాత్రం తగ్గలేదు. నిఫ్టీలో ఓఎన్జీసీ, శ్రీరామ్ ఫైనాన్స్, ఎస్బీఐ లైఫ్ ఇన్సూరెన్స్, బజాజ్ ఆటో, ఎస్బీఐ టాప్ గెయినర్స్గా నిలిచాయి. ఎల్టీఐఎండ్ట్రీ, ఏషియన్ పెయింట్స్, గ్రాసిమ్ ఇండస్ట్రీస్, టాటా స్టీల్, యాక్సిస్ బ్యాంక్ నష్టపోయాయి. సెక్టార్లలో ఐటీ మినహా మిగిలిన అన్ని రంగాల సూచీలు లాభాల్లో ముగిశాయి. ఆటో, ఫార్మా, పీఎస్యూ బ్యాంక్, రియాల్టీ, ఆయిల్ అండ్ గ్యాస్ సూచీలు 1-3 శాతం పెరిగాయి. బీఎస్ఈ మిడ్క్యాప్ ఇండెక్స్ ఒకశాతం లాభపడగా.. స్మాల్క్యాప్ ఇండెక్స్ 0.2 శాతం పెరిగాయి.