Stock Market Close | దేశీయ స్టాక్ మార్కెట్లు ఫ్లాట్గా ముగిశాయి. ఉదయం సెన్సెక్స్ లాభంతో మొదలైనా.. ఆ తర్వాత కొద్దిసేపటికి నష్టాల్లోకి జారుకుతున్నది. ఆ తర్వాత ఏ దశలోనూ కోలుకోలేదు. క్రితం సెషన్తో పోలిస్తే సెన్సెక్స్ 80,170.09 పాయింట్ల వద్ద లాభాల్లో మొదలైంది. ఇంట్రాడేలో సెన్సెక్స్ 79,464.38 పాయింట్ల కనిష్ఠానికి చేరింది. ఆఖరి సెషన్లో కొనుగోళ్ల మద్దతుతో కాస్త మెరుపుగుపడింది. చివరకు 27.43 పాయింట్ల నష్టంతో 79,897.34 వద్ద ముగిసింది.
నిఫ్టీ సైతం 8.50 పాయింట్లు పతనమై.. 24,315.95 వద్ద స్థిరపడింది. ట్రేడింగ్లో దాదాపు 1,966 లాభాలను నమోదు చేయగా.. 1,427 షేర్లు పతనమయ్యాయి. మరో 89 షేర్లు మారలేదు. నిఫ్టీ టాప్లో బీపీసీఎల్, కోల్ ఇండియా, ఓఎన్జీసీ, ఐటీసీ, టాటా మోటార్స్ లాభపడ్డాయి. టాటా కన్స్యూమర్ ప్రొడక్ట్స్, బజాజ్ ఫైనాన్స్, దివీస్ ల్యాబ్స్, ఎంఅండ్ఎం, ఎన్టీపీసీ నష్టపోయాయి. సెక్టార్లలో రియల్టీ ఇండెక్స్ 1.5 శాతం, ఫార్మా ఇండెక్స్ 0.6 శాతం పతనమయ్యాయి. మీడియా, ఆయిల్ అండ్ గ్యాస్ ఇండెక్స్ ఒక్కొక్కటి చొప్పున పెరిగాయి. బీఎస్ఈ మిడ్క్యాప్ ఇండెక్స్ 0.3 శాతం.. స్మాల్క్యాప్ ఇండెక్స్ 0.6 శాతం వృద్ధిని నమోదు చేశాయి.