Stock Closing Bell | దేశీయ స్టాక్ మార్కెట్లు మంగళవారం నష్టాల్లో ముగిశాయి. అంతర్జాతీయ మార్కెట్లలోని వ్యతిరేక పవనాలు దేశీయ మార్కెట్లపై ప్రభావం చూపాయి. సూచీలు గరిష్ఠానికి చేరుకోవడంతో కొనుగోళ్లకు దిగడంతో అస్థిరతకు గురయ్యాయి. క్రితం సెషన్తో పోలిస్తే ఉదయం సెన్సెక్స్ 73,767.42 పాయింట్ల వద్ద నష్టాల్లో మొదలైంది. ఆ తర్వాత ఏ దశలోనూ స్టాక్ మార్కెట్లు కోలుకోలేదు. ఇంట్రాడేలో సెన్సెక్స్ 73,412.25 పాయింట్ల కనిష్ఠానికి పడిపోగా.. అత్యధికంగా 73,872.29 పాయింట్లకు పెరిగింది. చివరకు 195.16 పాయింట్ల నష్టంతో 73,677.13 వద్ద స్థిరపడింది. నిఫ్టీ సైతం 49.30 పాయింట్లు పతనమై.. 22,356.30 వద్ద ముగిసింది.
ట్రేడింగ్లో దాదాపు 1,080 షేర్లు పురోగమించగా.. 2,232 షేర్లు క్షీణించాయి. మరో 59 షేర్లు మాత్రం మారలేదు. నిఫ్టీలో టాటా మోటార్స్, భారతీ ఎయిర్టెల్, బజాజ్ ఆటో, ఎస్బీఐ, ఓఎన్జీసీ టాప్ గెయినర్లు నిలిచాయి. బజాజ్ ఫిన్సర్వ్, బజాజ్ ఫైనాన్స్, నెస్లే ఇండియా, ఇన్ఫోసిస్, ఎస్బీఐ లైఫ్ ఇన్సూరెన్స్ నష్టాల్లో ముగిశాయి. ఆటో ఇండెక్స్ 1.3 శాతం, పీఎస్యూ బ్యాంక్ ఇండెక్స్ 2.5 శాతం, ఆయిల్ అండ్ గ్యాస్, పవర్, రియల్టీ ఒక్కొక్కటి 0.5 శాతం పెరిగాయి. ఐటీ, ఎఫ్ఎంసీజీ సూచీలు ఒక్కొక్కటి చొప్పున క్షీణించాయి. బీఎస్ఈ మిడ్క్యాప్ ఇండెక్స్ ఫ్లాట్గా ముగిసింది. స్మాల్క్యాప్ ఇండెక్స్ 0.6 శాతం పతనమైంది.