Silver-Gold Rates | అంతర్జాతీయ పరిణామాలకు అనుగుణంగా గురువారం దేశీయ బులియన్ మార్కెట్లో వెండి ధర ఆల్ టైం గరిష్ట స్థాయిని తాకింది. గురువారం కిలో వెండి ధర రూ.1,800 పెరిగి రూ.88 వేల మార్కును దాటేసింది. మరోవైపు దేశ రాజధాని ఢిల్లీలో 24 క్యారట్ల బంగారం తులం ధర రూ.650 పెరిగి రూ.74,050కి చేరిందని హెచ్డీఎఫ్సీ సెక్యూరిటీస్ తెలిపింది.
‘దేశ రాజధాని ఢిల్లీలో వరుసగా రెండో రోజు వెండి ధర రూ.1,800 పెరిగి రూ.85,700 పలికింది. బుధవారం ట్రేడింగ్లో కిలో వెండి ధర రూ.86,900 వద్ద ముగిసింది. మరోవైపు బుధవారం 24 క్యారట్ల బంగారం తులం ధర రూ.73,400 పలికితే, గురువారం రూ.650 పెరిగి రూ.74,050 వద్ద ముగిసింది` అని హెచ్డీఎఫ్సీ సెక్యూరిటీస్ పేర్కొంది.
అమెరికాలో ద్రవ్యోల్బణం గణాంకాలు తగ్గడంతో త్వరలో యూఎస్ ఫెడ్ రిజర్వ్ కీలక వడ్డీరేట్లు తగ్గించేందుకు మార్గం సుగమం అవుతుందన్న అంచనాల మధ్య బులియన్ మార్కెట్లో బంగారం, వెండి ధరలకు రెక్కలొచ్చాయి. సెప్టెంబర్ నుంచి వడ్డీరేట్లు తగ్గించే అవకాశాలు ఉన్నాయి. ఆరు నెలల్లో తొలిసారి ఏప్రిల్లో యూఎస్ ద్రవ్యోల్బణం తగ్గుముఖం పట్టాయి.
యూఎస్ డాలర్ ఇండెక్స్ ఐదు వారాల కనిష్ట స్థాయికి పతనమైంది. యూఎస్ ట్రెజరీ బాండ్లు కూడా తగ్గుముఖం పట్టాయని హెచ్డీఎఫ్సీ సెక్యూరిటీస్ సీనియర్ అనలిస్ట్ సౌమిల్ గాంధీ తెలిపారు. అంతర్జాతీయ మార్కెట్లో స్పాట్ గోల్డ్ ఔన్స్ 21 డాలర్లు పెరిగి 2386 డాలర్లు పలికింది. ఔన్స్ వెండి సైతం 28.80 డాలర్ల నుంచి 29.55 డాలర్లకు పెరిగింది.