న్యూఢిల్లీ, జూలై 9: బెంగళూరుకు చెందిన సిలికంచ్ సిస్టమ్స్ను లార్సెన్ అండ్ టూబ్రో (ఎల్అండ్టీ) అనుబంధ సంస్థ ఎల్అండ్టీ సెమీకండక్టర్ టెక్నాలజీస్ లిమిటెడ్ రూ.183 కోట్లకు కొనుగోలు చేస్తున్నది. ఈ మేరకు షేర్ల కొనుగోలు ఒప్పందంపై సోమవారమే సంతకాలు జరిగినట్టు మంగళవారం ఎల్అండ్టీ బాంబే స్టాక్ ఎక్సేంజ్కు తెలియజేసింది.
అలాగే ఈ డీల్తో సెమీకండక్టర్ వ్యాపారంలో మరింతగా బలోపేతం కాగలమన్న విశ్వాసాన్ని ఎల్అండ్టీ వ్యక్తం చేసింది. ఈ ఏడాది సెప్టెంబర్కల్లా లావాదేవీ పూర్తికావచ్చన్నది. కాగా, 2016 ఏప్రిల్లో సిలికంచ్ ఏర్పాటైంది. ఇదో ఫ్యాబ్లెస్ సెమీకండక్టర్ డిజైన్ కంపెనీ. సెమీకండక్టర్ ఇంటలెక్చువల్ ప్రాపర్టీ (ఐపీ), ఇంటిగ్రేటెడ్ సర్క్యూట్స్ (ఐసీ) డిజైన్, అభివృద్ధి దీని ప్రత్యేకత. ప్రపంచవ్యాప్తంగా దీనికి 30 గ్రాంటెడ్ పేటెంట్లున్నాయి.