Stock Market Close | దేశీయ స్టాక్ మార్కెట్లు బుధవారం నష్టాల్లో ట్రేడవుతున్నాయి. నిన్న పార్లమెంట్లో బడ్జెట్ ప్రవేశపెట్టిన నేపథ్యంలో మార్కెట్లు కుప్పకూలిన విషయం తెలిసింది. ఇవాళ ఉదయం సైతం మార్కెట్లు ఫ్లాట్గా మొదలయ్యాయి. క్రితం సెషన్తో పోలిస్తే 80,343.38 పాయింట్ల వద్ద ఫ్లాట్గా మొదలైంది. అదే సమయంలో నిఫ్టీ సైతం ఫ్లాట్గా ట్రేడవుతున్నది. ప్రారంభ ట్రేడింగ్ సెషన్లో ఐటీసీ 2శాతం పెరగ్గా.. బజాజ్ ఫైనాన్స్ షేర్లు 2శాతం బలహీనపడ్డాయి.
ప్రస్తుత సెన్సెక్స్ 121 పాయింట్ల నష్టంతో 80,307 వద్ద కొనసాగుతున్నది. నిఫ్టీ 35.2 పాయింట్లు పతనమై.. 24,443.2 వద్ద ట్రేడవుతున్నది. మార్కెట్లో హెచ్డీఎఫ్సీ లైఫ్, టాటా మోటార్స్, టెక్ మహీంద్రా, ఐటీసీ, ఎస్బీఐ లైఫ్ ఇన్సూరెన్స్ లాభాల్లో కొనసాగుతుండగా.. టాటా కన్జ్యూమర్ ప్రోడక్ట్, బజాజ్ ఫైనాన్స్, నెస్లే, హెచ్యూఎల్, గ్రాసిమ్ నష్టాల్లో కొనసాగుతున్నాయి.