న్యూఢిల్లీ, జూలై 16: దేశీయ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా(ఎస్బీఐ) మరో కీలక నిర్ణయం తీసుకున్నది. డిపాజిట్లను ఆకట్టుకోవాలనే ఉద్దేశంతో ప్రత్యేక డిపాజిట్ స్కీం ‘అమృత వృష్టి’ను అందుబాటులోకి తీసుకొచ్చింది. వచ్చే ఏడాది మార్చి 31 వరకు అమలులో ఉండనున్న ఈ ప్రత్యేక స్కీంపై అధిక వడ్డీని ఆఫర్ చేస్తున్నది బ్యాంక్.
444 రోజుల కాలపరిమితితో డిపాజిట్లు చేసిన వారికి 7.25 శాతం వడ్డీని చెల్లించనున్నది. సీనియర్ సిటిజన్లకు మరో అర శాతం వడ్డీని ఆఫర్ చేస్తున్నది బ్యాంక్. స్వల్పకాలంలో అధిక రిటర్నులు పంచేది ఈ ప్రత్యేక స్కీంని బ్యాంకింగ్ వర్గాలు వెల్లడించాయి.
ఎస్బీఐ శాఖలతోపాటు యోనో ఎస్బీఐ, యోనో లైట్(మొబైల్ బ్యాంకింగ్ యాప్స్), ఎస్బీఐ ఇంటర్నెట్ బ్యాంకింగ్ ద్వారా డిపాజిట్ చేసుకోవచ్చును. రిటైల్ ఇన్వెస్టర్లకు, అధిక రిటర్నులు ఆశిస్తున్న వారికి ఇది మేలైనదని ఎస్బీఐ చైర్మన్ దినేశ్ ఖారా తెలిపారు.