US Dollar-Rupee | ఫారెక్స్ మార్కెట్లో అమెరికా డాలర్పై రూపాయి మారకం విలువ మరో జీవిత కాల కనిష్టానికి పతనమైంది. నెలాఖరు కావడంతో ఫారెక్స్ మార్కెట్లో యూఎస్ డాలర్ కు గిరాకీ ఏర్పడటం, విదేశీ ఇన్వెస్టర్లు నిధులు ఉపసంహరించుకోవడంతో రూపాయి విలువ బక్కచిక్కింది. గురువారం ఫారెక్స్ మార్కెట్లో యూఎస్ డాలర్ మీద రూపాయి విలువ మరో ఏడు పైసలు పతనమై రూ.83.78లకు పడిపోయింది. క్యాపిటల్ గెయిన్స్ ట్యాక్స్ మీద పన్ను శాతం పెంచడంతో విదేశీ ఇన్వెస్టర్లు నిధులు ఉపసంహరించుకున్నారని ఫారెక్స్ ట్రేడర్లు చెబుతున్నారు. ఇదిలా ఉంటే, రూపాయి విలువ స్థిరంగా కొనసాగించేందుకు ద్విముఖ వ్యూహాన్ని ఆర్బీఐ అనుసరిస్తోందని విశ్లేషకులు చెబుతున్నారు. అందుకోసం స్వల్పంగా రూపాయి విలువ బలహీన పడటానికి అనుమతిస్తుందని చెబుతున్నారు.
గురువారం ఫారెక్స్ మార్కెట్లో యూఎస్ డాలర్ మీద రూపాయి విలువ రూ.83.72 వద్ద ట్రేడింగ్ ప్రారంభించి.. ఇంట్రాడే ట్రేడింగ్ లో రూ.83.66ల గరిష్టానికి, తిరిగి రూ.83.78 జీవిత కాల గరిష్టానికి పడిపోయింది. బుధవారం యూఎస్ డాలర్ మీద రూపాయి మారకం విలువ రూ.83.71 వద్ద ముగిసింది. మరోవైపు గురువారం బీఎస్ఈ ఇండెక్స్ సెన్సెక్స్ కూడా 109.08 పాయింట్లు పతనమై 80,039.80 పాయింట్ల వద్ద ముగిస్తే, ఎన్ఎస్ఈ సూచీ నిఫ్టీ సైతం 7.40 పాయింట్ల నష్టంతో 24,406.10 పాయింట్ల వద్ద స్థిర పడింది.
Citroen Basalt |టాటా కర్వ్కు పోటీగా సిట్రోన్ బసాల్ట్.. త్వరలో మార్కెట్లోకి ఎంట్రీ.. !
Maruti Suzuki Ignis | భారత్ మార్కెట్లోకి మారుతి ఇగ్నిస్ రేడియన్స్.. బేస్ సిగ్మా కంటే ధర తక్కువ.. !