Reliance Jio Saavn | దేశీయ టెలికం సంచలనం రిలయన్స్ జియో తన మ్యూజిక్ ప్రేమికుల కోసం.. జియో సావన్ ప్రో (Jio Saavn Pro) సబ్స్క్రిప్షన్తో కొన్ని ప్రీ పెయిడ్ ప్లాన్లు ప్రకటించింది. వీటిల్లోనూ మొబైల్ డేటా, కాల్స్, ఎస్ఎంఎస్ వంటి ఇతర వసతులు ఉన్నాయి. ప్రతి రోజూ 2జీబీ డేటా పరిమితితో రెండు ప్లాన్లు తేగా, 1.5 జీబీ డేటాతో మూడు ప్లాన్లు అందుబాటులోకి వచ్చాయి.
రిలయన్స్ జియో కొత్తగా రూ.589లతో కూడిన ప్రీపెయిడ్ ప్లాన్ తెచ్చింది. ఇది 56 రోజుల వ్యాలిడిటీ ఉంటుంది. ప్రతి రోజూ 2జీబీ చొప్పున డేటా వినియోగించుకోవచ్చు. అపరిమిత కాల్స్, ప్రతి రోజూ 100 ఎస్ఎంఎస్లతోపాటు జియో సావన్ మ్యూజిక్ యాప్ సబ్స్క్రిప్షన్ ఉచితం. అపరిమిత మ్యూజిక్ తోపాటు పాటలు డౌన్ లోడ్ చేసుకోవచ్చు. జియో టీవీ, జియో సినిమా, జియో సెక్యూరిటీ యాప్స్ కూడా వాడుకోవచ్చు. 84 రోజుల వ్యాలిడిటీతో జియో రూ.789లతో మరో ప్లాన్ అందిస్తున్నది. ఇందులోనూ 2 జీబీ డేటా, అపరిమిత కాల్స్,100 ఎస్ఎంఎస్లు, జియో సావన్ సబ్స్క్రిప్షన్ ఉంటది. ఈ ప్లాన్ లోనూ జియో యాప్స్ ఉపయోగించుకోవచ్చు.
వీటితోపాటు 28 రోజుల వ్యాలిడిటీతో ప్రతి రోజూ 1.5 జీబీ డేటా చొప్పున రూ.265 ప్లాన్, రూ.529లతో 56 రోజుల వ్యాలిడిటీ ప్లాన్, రూ.739లతో 84 రోజుల వ్యాలిడిటీ ప్లాన్ జియో తెచ్చింది. వీటన్నింటిలోనూ జియో సావన్ సబ్స్క్రిప్షన్ ఉచితం. 2జీబీ ప్లాన్లలోని ఇతర ప్రయోజనాలు వినియోగించుకోవచ్చు. ఈ ప్లాన్ ఎంచుకున్న వారు 5జీ నెట్ వర్క్ పరిధిలో ఉండటంతోపాటు 5జీ ఫోన్ వాడుతున్నట్లయితే అపరిమిత 5జీ డేటా ఫ్రీగా పొందొచ్చు.