Realme 11 Pro 5G | ప్రముఖ స్మార్ట్ ఫోన్ల తయారీ సంస్థ రియల్మీ.. భారత్ మార్కెట్లో తన రియల్మీ 11 ప్రో 5జీ సిరీస్ (Realme 11 Pro 5G) ఫోన్లను ఈ నెల 8న ఆవిష్కరించనున్నది. రియల్మీ 11 ప్రో 5జీ (Realme 11 Pro 5G), రియల్ మీ 11 ప్రో+ 5జీ (Realme 11 Pro+ 5G) ఫోన్ల ప్రీ ఆర్డర్లతోపాటు లాంచింగ్ ఆఫర్ కూడా అందిస్తున్నట్లు సమాచారం. గత నెలలో చైనా మార్కెట్లోకి ఎంటరైన రియల్మీ 11 ప్రో 5జీ (Realme 11 Pro 5G).. 6ఎన్ఎం మీడియా టెక్ డైమెన్సిటీ 7050 ఎస్వోసీ చిప్సెట్ విత్ 12జీబీ రామ్తో వస్తున్నది.
రియల్మీ 11 ప్రో 5జీ ఫోన్ డ్యుయల్ రేర్ కెమెరా, రియల్మీ 11 ప్రో+ 5జీ ట్రిపుల్ రేర్ కెమెరా విత్ 5000 ఎంఏహెచ్ కెపాసిటీ గల బ్యాటరీ సపోర్ట్ కలిగి ఉంటాయి. ఈ నెల ఎనిమిదో తేదీ నుంచి వచ్చేనెల 14 వరకు ప్రీ-ఆర్డర్లు బుక్ చేసుకోవచ్చు. ప్రీ-ఆర్డర్ బుక్ చేసుకున్న వారు రూ.4,499 విలువ గల రియల్మీ వాచ్2 ప్రో ఉచితంగా పొందొచ్చు. ఇప్పటికే ఈ నెల ఎనిమిదో తేదీ మధ్యాహ్నం 12 గంటలకు భారత్ లో రియల్ మీ 11 ప్రో 5జీ సిరీస్ ఫోన్లు ఆవిష్కరిస్తామని ఆ సంస్థ ప్రకటించింది.
రియల్ మీ 11 ప్రో 5జీ ఫోన్ దాదాపు రూ.20 వేలు (1699 చైనా యువాన్లు), రియల్మీ 11 ప్రో+ 5జీ ధర సుమారు రూ.24 వేలు (1999 చైనా యువాన్లు) పలుకుతున్నాయి. రుణాలపై ఈ ఫోన్ తీసుకునే వారికి నో-కాస్ట్ ఈఎంఐ ఆప్షన్ కూడా అందుబాటులో ఉంటుంది.
రియల్ మీ 11 ప్రో 5జీ, రియల్ మీ 11 ప్రో+ 5జీ ఫోన్లు 6.7-అంగుళాల ఫుల్ హెచ్డీ + (1080×2412 పిక్సెల్స్) కర్వ్డ్ డిస్ ప్లేస్ విత్ 360 హెర్ట్జ్ టచ్ శాంప్లింగ్ రేట్ కలిగి ఉంటాయి. రెండు ఫోన్లలోనూ ఒక్టాకోర్ 6ఎన్ఎం మీడియా టెక్ డైమెన్సిటీ 7050 ఎస్వోసీ చిప్ సెట్ ఉంటుంది. రెండు ఫోన్లలోనూ 5000 ఎంఎహెచ్ సామర్థ్యం గల బ్యాటరీతోపాటు రియల్ మీ 11 ప్రో విత్ 67వాట్ల ఫాస్ట్ చార్జింగ్, రియల్ మీ 11 ప్రో + 5జీ ఫోన్ 100 వాట్ల చార్జింగ్ సపోర్ట్ కలిగి ఉంటుంది.