ముంబై, డిసెంబర్ 1: చలామణి నుంచి దాదాపు 97.26 శాతం రూ.2వేల నోట్లు తిరిగి బ్యాంకింగ్ వ్యవస్థలోకి వచ్చాయని ఆర్బీఐ శుక్రవారం తెలియజేసింది. ఇంకా రూ.9,760 కోట్ల విలువైన రూ.2వేల నోట్లు ప్రజల వద్దే ఉన్నాయని, అవి రావాల్సి ఉందని స్పష్టం చేసింది. ఈ ఏడాది మే 19న చలామణి నుంచి రూ.2వేల నోట్లను ఆర్బీఐ అనూహ్యంగా ఉపసంహరించుకున్న విషయం తెలిసిందే.
అయితే నాడు రూ.3.56 లక్షల కోట్ల విలువైన రూ.2వేల నోట్లు చలామణిలో ఉన్నాయని, నవంబర్ 30 నాటికి ఇందులో రూ.3.46 లక్షల కోట్లు తిరిగి వచ్చేశాయని ఆర్బీఐ ఈ సందర్భంగా ఓ ప్రకటనలో వెల్లడించింది. కాగా, అక్టోబర్ 8 నుంచి హైదరాబాద్సహా 19 ఆర్బీఐ ఆఫీసుల్లోనే రూ.2వేల నోట్ల డిపాజిట్ లేదా మార్చుకునే వీలు కల్పించారు.