RBI-Rs2000 | మార్కెట్ నుంచి రూ.2000 కరెన్సీ నోట్లను చలామణి నుంచి ఉపసంహరిస్తున్నట్లు భారతీయ రిజర్వు బ్యాంక్ (ఆర్బీఐ) ప్రకటించింది. శుక్రవారం ప్రకటన ద్వారా అకస్మిక ప్రకటన చేసింది. వచ్చే సెప్టెంబర్ 30 వరకు రూ.2000 కరెన్సీ నోట్లు చెల్లుబాటవుతాయని ఆర్బీఐ తెలిపింది. కొత్తగా రూ.2000 నోట్ల ముద్రణ నిలిపేసింది. రూ.2000 నోట్ల విత్ డ్రాయల్ మీద చాలా మంది నుంచి వస్తున్న ప్రశ్నలకు ఆర్బీఐ సమాధానాలిచ్చింది. అవేమిటంటే..?
పాత పెద్దనోట్లు (రూ.1000, రూ.500) రద్దు చేయడంతో ప్రజల అవసరాలకు అనుగుణంగా 2016 నవంబర్లో ఆర్బీఐ రూ.2000 కరెన్సీ నోట్ ప్రవేశపెట్టింది. ఇతర డినామినేషన్ నోట్లను మార్కెట్ అవసరాలకు అనుగుణంగా అందుబాటులోకి తెచ్చాక రూ.2000 నోట్ల ముద్రణ నిలిపేసింది. ప్రస్తుతం చలామణిలో ఉన్న నోట్లన్నీ 2017 మార్చికి ముందు ముద్రించినవే. వాటి జీవిత కాలం ముగింపు దశకు చేరుకున్నది. సాధారణ లావాదేవీలకు రూ.2000 నోట్లు వాడటం లేదు. క్లీన్ నోట్ పాలసీ కింద రూ.2000 కరెన్సీ నోటును విత్ డ్రా చేస్తున్నాం.
ప్రజలకు మంచి నాణ్యతతో కూడిన కరెన్సీ నోట్లు అందుబాటులో ఉండే విధానమే క్లీన్ నోట్ పాలసీ.
అవును. రూ.2000 కరెన్సీ నోటుకు చట్టబద్ద చెల్లుబాటు హోదా కొనసాగుతుంది.
అవును. రూ.2000 నోట్లను లావాదేవీలకు, చెల్లింపులకు ప్రజలు వాడవచ్చు. కానీ వచ్చే సెప్టెంబర్ 30 లోగా వాటిని బ్యాంకుల్లో డిపాజిట్ చేయడం ద్వారా గానీ, ఎక్స్చేంజ్ ద్వారా గానీ మార్చుకోవాల్సి ఉంటుంది.
ప్రజలు తమ బ్యాంకు శాఖలకు వెళ్లి రూ.2000 కరెన్సీ నోట్లను డిపాజిట్ లేదా ఎక్స్చేంజ్ చేసుకోవాలి. అన్ని బ్యాంకుల శాఖలతోపాటు దేశవ్యాప్తంగా 18 ఆర్బీఐ ప్రాంతీయ కార్యాలయాల్లో మార్చుకోవచ్చు.
ఒక బ్యాంకు ఖాతాలో రూ.2000 నోట్ల డిపాజిట్కు ఎటువంటి ఆంక్షలు లేవు. కేవైసీ నిబంధనలు, రెగ్యులేటరీ నిబంధనలకు అనుగుణంగా డిపాజిట్ చేయవచ్చు.
ఒకసారి రూ.20 వేల వరకు రూ.2000 నోట్లు ఎక్స్చేంజ్ చేసుకోవచ్చు.
అవును. బిజినెస్ కరస్పాండెంట్ల ద్వారా ప్రతి ఖాతాదారు ప్రతి రోజూ రూ.4000 వరకు మార్పిడి చేసుకోవచ్చు.
ఈ నెల 23 నుంచి బ్యాంకుల్లోనూ, ఆర్బీఐ ప్రాంతీయ కార్యాలయాల్లోనూ రూ.2000 నోట్లు మార్పిడి చేసుకోవచ్చు. బ్యాంకులు ఇందుకు అవసరమైన ఏర్పాట్లు చేయాలి.
లేదు. సాధారణ వ్యక్తులు కూడా ఏ బ్యాంకు శాఖలోనైనా ఒకరోజు రూ.20 వేల విలువైన రూ.2000 కరెన్సీ నోట్లు మార్చుకోవచ్చు.
డిపాజిట్లపై ఎటువంటి ఆంక్షలు లేవు. ఈ డిపాజిట్ల నుంచి కస్టమర్లు తమ అవసరాలకు అనుగుణంగా నగదు విత్ డ్రా చేసుకోవచ్చు.
రూ.2000 నోట్ల మార్పిడి పూర్తిగా ఉచితం. ఎటువంటి ఫీజు చెల్లించనవసరం లేదు.
ప్రజల సౌకర్యార్థం.. సజావుగా నోట్ల మార్పిడి లేదా డిపాజిట్ల ప్రక్రియ పూర్తి చేయడానికి నాలుగు నెలలకు పైగా సమయం ఇచ్చాం. నిర్దిష్ట గడువు లోగా వ్యక్తులు ఈ అవకాశాన్ని సద్వినియోగం చేసుకోవచ్చు.
రూ.2000 నోటు మార్పిడి, డిపాజిట్ విషయంలో బ్యాంకు సిబ్బంది సేవలందించడానికి నిరాకరిస్తే.. ఆ వెంటనే సంబంధిత బ్యాంకు అధికారిని సంప్రదించాలి. ఒకవేళ సంబంధిత బ్యాంకు అధికారి స్పందించకపోయినా, బ్యాంకు అధికారి ప్రతిస్పందన సంతృప్తికరంగా లేకపోతే, 2021-ఆర్బీఐ ఇంటిగ్రేటెడ్ అంబుడ్స్ మెన్ స్కీం (ఆర్బీఐ-ఐఓఎస్) కింద ఫిర్యాదు చేయొచ్చు. ఆర్బీఐ మేనేజ్మెంట్ సిస్టమ్ పోర్టల్ cms.rbi.org.in ద్వారా ఫిర్యాదు చేయొచ్చు.