న్యూయార్క్ : కొందరికి తమ చిన్నారులే ప్రపంచం, సర్వస్వం.. వారికి తమ పిల్లల తర్వాతనే ఉద్యోగం, వ్యాపారం ఏదైనా అన్నట్టుగా ఉంటారు. పిల్లలతో అధిక సమయం గడిపేందుకు చాట్జీపీటీ మాతృ సంస్ధ, ఏఐ టూల్ క్రియేటర్ ఓపెన్ఏఐ (OpenAI) ట్రస్ట్, సేఫ్టీ హెడ్ డేవ్ విల్నర్ ఏకంగా తన ఉద్యోగానికి రాజీనామా చేశారు. కుటుంబంతో ఎక్కువ సమయం వెచ్చించేందుకు విల్నర్ ఈ నిర్ణయం తీసుకున్నారు.
లింక్డిన్ పోస్ట్లో స్వయంగా విల్నర్ ఈ వివరాలు వెల్లడించారు. ఓపెన్ఏఐలో తన పొజిషన్ నుంచి తప్పుకుంటున్నానని, సలహాదారు పాత్రలోకి మారుతున్నానని ఈ పోస్ట్లో రాసుకొచ్చారు. తన టీం గురించి తాను ఎలా గర్వంగా పీలవుతున్నాను..తాను తొలుత ఓపెన్ఏఐలో చేరినప్పటి నుంచి కంపెనీ ఎదిగిన తీరును విల్నర్ ఈ పోస్ట్లో రాసుకొచ్చారు. ఆపై తన భార్య కూడా ఓపెన్ఏఐలో భాగమైన తీరును వివరిస్తూ చాట్జీపీటీ లాంఛ్ అయిన తర్వాత తనకు పనిభారం పెరిగిందని చెప్పుకొచ్చారు. తనకు ఇప్పుడు పని కంటే పిల్లలతో గడపడమే ముఖ్యమని, కుటుంబం కంటే ఏదీ తనకు అధికం కాదని స్పష్టం చేశారు.
చాట్జీపీటీ టెక్ ప్రపంచంలో విశేష ఆదరణ పొందడంతో గత కొద్దినెలలుగా కంపెనీ ఎదిగిందని, అలాగే తన పిల్లలు కూడా ఎదుగుతున్నారని ఈ దశలో ఏదో ఒకటి తేల్చుకునే సమయం ముంచుకొచ్చిందని అన్నారు. కుటుంబానికి అధిక సమయం వెచ్చించాలని నిర్ణయం తీసుకున్నానని చెప్పారు. పిల్లలకు స్విమ్మింగ్, బైక్ రైడింగ్లో గైడ్ చేస్తానని చెబుతూ ఉద్యోగిగా ఓపెన్ఏఐ నుంచి వైదొలుగుతున్నానని, సలహాదారు పాత్రలోకి మారిపోతున్నానని లింక్డిన్ పోస్ట్లో విల్మన్ రాసుకొచ్చారు.
Read More :