Nothing Phone 2a Plus | ప్రముఖ స్మార్ట్ ఫోన్ల తయారీ సంస్థ నథింగ్ (Nothing) తన నథింగ్ ఫోన్ 2ఏ కొనసాగింపుగా నథింగ్ ఫోన్ 2ఏ ప్లస్ ఫోన్ ఈ నెల 31న భారత్ మార్కెట్లో ఆవిష్కరించనున్నది. నథింగ్ 2ఏ ఫోన్లో కంటే హయ్యర్ స్పెషిఫికేషన్లు ఉంటాయని తెలుస్తోంది. ఈ ఫోన్ గ్రోవ్స్ తోపాటు బ్లాక్ సర్ఫేస్ తో వస్తుందని తెలుస్తోంది. ఇంకా ఈ ఫోన్ ధర వివరాలు, ఫీచర్ల డిటైల్స్ పూర్తిగా వెల్లడించలేదు.
గత మార్చిలో నథింగ్ 2ఏ ఫోన్ను భారత్ మార్కెట్లో ఆవిష్కరించారు. ఈ ఫోన్ 120 హెర్ట్జ్ రీఫ్రెష్ రేటుతోపాటు 6.7 అంగుళాల ఫుల్ హెచ్డీ+ (1080×2412 పిక్సెల్స్) అమోలెడ్ డిస్ ప్లే కలిగి ఉంటుంది. మీడియాటెక్ డైమెన్సిటీ 7200 ప్రో ప్రాసెసర్ తో వస్తోంది. ఈ ఫోన్ 50-మెగా పిక్సెల్ ప్రైమరీ సెన్సర్ కెమెరాతో కూడిన డ్యుయల్ రేర్ కెమెరా సెటప్ ఉంటుంది. మరో 50-మెగా పిక్సెల్ ఆల్ట్రా వైడ్ యాంగిల్ సెన్సర్ కెమెరా ఉంటుంది. సెల్ఫీలూ వీడియో కాల్స్ కోసం 32 – మెగా పిక్సెల్ సెన్సర్ కెమెరా కూడా వస్తుంది. 45వాట్ల వైర్డ్ ఫాస్ట్ చార్జింగ్ మద్దతుతో 5000 ఎంఏహెచ్ కెపాసిటీ గల బ్యాటరీ కలిగి ఉంటుంది.