Nothing Phone 2a Plus | ప్రముఖ స్మార్ట్ ఫోన్ల తయారీ సంస్థ నథింగ్ (Nothing) తన నథింగ్ ఫోన్ 2ఏ ప్లస్ (Nothing Phone 2a Plus) ఫోన్ను ఈ నెల 31న భారత్ మార్కెట్లో ఆవిష్కరించనున్నది. గత మార్చిలో నథింగ్ ఫోన్ 2ఏ (Nothing Phone 2a)ను ఆవిష్కరించింది. తాజాగా ఆవిష్కరించనున్న నథింగ్ ఫోన్ 2ఏ ప్లస్ (Nothing Phone 2a Plus)ను మెరుగైన ఫీచర్లు, సాఫ్ట్ వేర్తో వస్తుందని భావిస్తున్నారు.
మార్చిలో ఆవిష్కరించిన నథింగ్ ఫోన్ 2ఏ (Nothing Phone 2a) ఫోన్ బ్లూ, రెడ్, ఎల్లో కలర్ ఆప్షన్లలో లభిస్తోంది. ఈ ఫోన్ 8 జీబీ ర్యామ్ విత్ 128 జీబీ స్టోరేజీ వేరియంట్ రూ.23,999, 8 జీబీ ర్యామ్ విత్ 256 జీబీ స్టోరేజీ వేరియంట్ రూ.25,999, 12 జీబీ ర్యామ్ విత్ 256 జీబీ స్టోరేజీ వేరియంట్ రూ.27,999లకు లభిస్తాయి.
నథింగ్ ఫోన్ 2ఏ (Nothing Phone 2a) ఫోన్ కార్నింగ్ గొరిల్లా గ్లాస్ 5 ప్రొటెక్షన్ తోపాటు 6.7 అంగుళాల 120 హెర్ట్జ్ రీఫ్రెష్ రేట్, ఫుల్ హెచ్డీ + (1080×2412 పిక్సెల్స్) అమోలెడ్ స్క్రీన్ కలిగి ఉంటుంది. ఒక్టాకోర్ 4ఎన్ఎం మీడియాటెక్ డైమెన్సిటీ 7200 ప్రో ప్రాసెసర్ తో పని చేస్తుంది. ఆండ్రాయిడ్ 14 బేస్డ్ నథింగ్ ఓఎస్ 2.5 వర్షన్ పై పని చేస్తుంది. రెండు 50-మెగా పిక్సెల్ సెన్సర్ రేర్ కెమెరాలు, సెల్ఫీలూ వీడియో కాల్స్ కోసం 32-మెగా పిక్సెల్ సెన్సర్ కెమెరా ఉంటాయి. 45వాట్ల ఫాస్ట్ చార్జింగ్ మద్దతుతో 5000 ఎంఏహెచ్ కెపాసిటీ గల బ్యాటరీ కలిగి ఉంటుంది.