Paytm- ED | విదేశీ మారక ద్రవ్యం యాజమాన్యం చట్టం (ఫెమా) నిబంధనలను పేటీఎం పేమెంట్స్ బ్యాంకింగ్ లిమిటెడ్ (పీపీబీఎల్) ఉల్లంఘించినట్లు తేలలేదని ఎన్ఫోర్స్మెంట్ డైరెక్టరేట్ (ఈడీ) నిర్ధారించినట్లు అధికార వర్గాలు తెలిపాయి. రెగ్యులేటరీ నిబంధనలను పాటించలేదని పేర్కొంటూ ఈ నెల 29 తర్వాత ఖాతాదారుల నుంచి డిపాజిట్ల సేకరణ, రుణ పరపతితోపాటు ఇతర సేవలు అందించవద్దని పేటీఎం ను ఆర్బీఐ ఆదేశించిన సంగతి తెలిసిందే.
ఈ నేపథ్యంలో హవాలా లావాదేవీల నిరోధక చట్టం (పీఎంఎల్ఏ), విదేశీ మారక ద్రవ్య యాజమాన్యం చట్టం (ఫెమా) నిబంధనలను ఉల్లంఘించిన పేటీఎంలో లావాదేవీలు జరిగాయా? అన్న కోణంపై ఈడీ అధికారులు దర్యాప్తు చేశారు. 50 లక్షలకు పైగా పేటీఎం ఖాతాలు, వాలెట్లను ఈడీ అధికారులు తనిఖీ చేశారు.
కేవైసీతోపాటు ఇతర రెగ్యులేటరీ నిబంధనలు మాత్రమే ఉల్లంఘించినట్లు తేలింది.పేటీఎం పేమెంట్స్ బ్యాంకు ఈడీ అధికారులు తమ దర్యాప్తు నివేదికను ఆర్బీఐకి సమర్పించనున్నట్లు సమాచారం. థర్డ్ పార్టీ అప్లికేషన్ ప్రొవైడర్లు, పేమెంట్ అగ్రిగేటర్స్ తదితర అంశాలపై ఆర్బీఐ మాత్రమే చర్యలు తీసుకోగలదు.