Nissan new X-Trail SUV | ప్రముఖ జపాన్ కార్ల తయారీ సంస్థ నిసాన్ మోటార్స్ (Nissan Motors) తన న్యూ ఎక్స్-ట్రయల్ ఎస్యూవీ (New X-Trail) కారును భారత్ మార్కెట్లో వచ్చేనెల ఆవిష్కరించనున్నది. ప్రస్తుతం భారత్ మార్కెట్లో విక్రయిస్తున్న నిసాన్ మ్యాగ్నైట్ (Nissan Magnite)కు జత కలువనున్నది. జూలై 17న ఎక్స్-ట్రయల్ (X-Trail) కారు ఆవిష్కరించే అవకాశాలు ఉన్నాయి. టయోటా ఫార్చ్యూనర్ (Toyota Fortuner), ఎంజీ గ్లోస్టర్ (MG Gloster), హ్యుండాయ్ టస్కన్ (Hyundai Tucson), ఫోక్స్ వ్యాగన్ టైగూన్ (Volkswagen Tiguan), సిట్రోన్ సీ5 ఎయిర్ క్రాస్ (Citroen C5 Aircross) తదితర ఎస్యూవీ కార్లకు గట్టి పోటీ ఇవ్వనున్నదని భావిస్తున్నారు.
భారత్ మార్కెట్ నుంచి నిష్క్రమించిన తర్వాత ఎనిమిదేండ్లకు తిరిగి ఎక్స్-ట్రయల్ (X-Trail) ఎస్యూవీతో తిరిగి ఎంటరవుతోంది. 2005లో తొలుత భారత్ మార్కెట్లో ఎక్స్ ట్రయల్ ఎస్యూవీ పాత జనరేషన్ కారు ఆవిష్కరించినప్పుడు పాపులర్ మోడల్ ఎస్ యూవీ కార్లలో ఇదొకటి. కానీ ఈ కారును 2014లో డిస్ కంటిన్యూ చేసింది. 2022లో గ్లోబల్ మార్కెట్లో కొత్త అవతార్లో ఎక్స్-ట్రయల్ (X-Trail) అందుబాటులో ఉంది. ఎక్స్ -ట్రయల్ (X-Trail) కారు 5-సీటర్, 7-సీటర్ కాన్ఫిగరేషన్ తో గ్లోబల్ మార్కెట్లలో అందుబాటులో ఉన్నా, భారత్ మార్కెట్లో రోడ్ల పరిస్థితులకు అనుగుణంగా కొన్ని మార్పులు చేసే అవకాశాలు ఉన్నాయి.
ఈ-పవర్ డ్రైవ్ సిస్టమ్ (ePower Drive System)తో వస్తున్న నిసాన్ ఎక్స్-ట్రయల్ కారు.. అలయెన్స్ సీఎంఎఫ్-సీ ప్లాట్ ఫామ్ పై రూపుదిద్దుకున్నది. ఈ-పవర్ డ్రైవ్ సిస్టమ్లో హై ఔట్ పుట్ బ్యాటరీ, వారియబుల్ రేషియో పెట్రోల్ ఇంజిన్ తోపాటు ఇంటిగ్రేటెడ్ పవర్ ట్రైన్, పవర్ జనరేటర్, ఇన్వర్టర్, 150 కిలోవాట్ల ఫ్రంట్ ఎలక్ట్రిక్ మోటార్ ఉంటాయి.
నిసాన్ ఎక్స్-ట్రయల్ కారు రెండు పవర్ ట్రైన్ ఆప్షన్లలో అందుబాటులో ఉంటుందని సమాచారం. ఈ-పవర్ స్ట్రాంగ్ హైబ్రీడ్ మోటారు గరిష్టంగా 201 బీహెచ్పీ విద్యుత్, ఆల్ వీల్ డ్రైవ్ ఈ-పవర్ వేరియంట్ 211 బీహెచ్పీ విద్యుత్, మైల్డ్ హైబ్రీడ్ వేరియంట్ విత్ 12వీ మైల్డ్ హైబ్రీడ్ టెక్నాలజీ మోటార్ 160 బీహెచ్పీ విద్యుత్, 300 ఎన్ఎం టార్క్ వెలువరించే సామర్థ్యం గల ఇంజిన్ అమర్చే అవకాశాలున్నాయి. భారత్ మార్కెట్లోకి నిసాన్ న్యూ ఎక్స్-ట్రయల్ ఎస్ యూవీ కారు కంప్లీట్లీ బిల్ట్ యూనిట్ (సీబీయూ) రూట్లో వస్తోంది.