Microsoft Effect : మైక్రోసాఫ్ట్ ఔటేజ్ ఎఫెక్ట్ ఒక్క అమెరికాలోనే కాకుండా ప్రపంచ దేశాలన్నింటిపైనా పడింది. ముఖ్యంగా విమానయాన సంస్థలు బాగా ఎఫెక్ట్ అయ్యాయి. ప్రపంచవ్యాప్తంగా విమానయాన సేవలు నిలిచిపోయాయి. దాంతో పలు విమానయాన సంస్థల షేర్లు క్షీణించాయి. ఇక మన దేశంలోని అతిపెద్ద విమానయాన సంస్థ ఇండిగో షేర్లలో భారీ క్షీణత కనిపించింది.
ఇండిగో ఎయిర్లైన్స్కు దాదాపు రూ.5300 కోట్ల నష్టం వాటిల్లింది. బీఎస్ఈ డేటా ప్రకారం శుక్రవారం ఇండిగో షేర్లు 3 శాతానికి పైగా పడిపోయాయి. కంపెనీ షేర్లు రూ.137.25 నష్టంతో రూ.4,278.95 వద్ద ముగిశాయి. అయితే ఇంట్రా డే ట్రేడింగ్లో కంపెనీ షేర్లు ఒక దశలో రూ.4,251కి దిగజారాయి. షేర్ల పతనం కారణంగా కంపెనీ మార్కెట్ క్యాప్ కూడా భారీ నష్టాన్ని చవిచూసింది.