Meta | ఫేస్బుక్ (Facebook) మాతృసంస్థ మెటా (Meta) తమ యూజర్లకు భారీ షాకిచ్చింది. ‘మెటా వెరిఫైడ్’ పేరుతో చెల్లింపు ధ్రువీకరణ సేవలను (Paid Blue Badge) అందుబాటులోకి తెచ్చింది. ట్విట్టర్ (Twitter) బ్లూటిక్ మాదిరిగానే ఫేస్బుక్ (Facebook), ఇన్స్టాగ్రామ్ (Instagram) బ్లూటిక్ ఖాతాదారుల నుంచి ఇకపై చార్జీలు వసూలు చేయనున్నట్లు మెటా సీఈఓ మార్క్ జుకర్బర్గ్ (Mark Zuckerberg) ప్రకటించారు.
బ్లూటిక్ వెరిఫికేషన్ సేవల (Paid Blue Badge) కోసం వెబ్ యూజర్ల నుంచి నెలకు 11.99 డాలర్లు, ఐఓఎస్ యూజర్లు నుంచి 14.99 డాలర్లు వసూలు చేయనున్నారు. యూజర్లు తమ అకౌంట్లను ప్రభుత్వం కేటాయించిన గుర్తింపు కార్డులతో మెటా వెరిఫికేషన్ పొందవచ్చు. వెరిఫికేషన్ పూర్తయిన అకౌంట్లకు ‘బ్లూ బ్యాడ్జ్’ (Blue Badge) కేటాయిస్తారు. అంతేకాకుండా.. సబ్స్క్రిప్షన్ ఉన్న అకౌంట్లను నకిలీల బెడద లేకుండా ఫేస్బుక్ అదనపు భద్రత కల్పిస్తోంది. నేరుగా కస్టమర్ కేర్తో సంప్రదించే అవకాశం కూడా ఉంటుంది. అయితే, తొలుత ఆస్ట్రేలియా, న్యూజిలాండ్లో వెరిఫికేషన్ చార్జీలను విధించనున్నారు. ఆ తర్వాత మిగతా దేశాల్లో బ్లూటిక్ యూజర్ల నుంచి పెద్ద మొత్తంలో చార్జీలు వసూలు చేయనున్నారు.