Market Capitalisation | గతవారం ట్రేడింగ్ ముగిసిన తర్వాత టాప్-10 సంస్థల్లో ఆరు సంస్థల మార్కెట్ క్యాపిటలైజేషన్ రూ.1,73,097.59 కోట్లు పతనమైంది. హెచ్డీఎఫ్సీ బ్యాంక్, భారతీయ జీవిత బీమా సంస్థ (ఎల్ఐసీ) భారీగా నష్టపోయాయి. బీఎస్ఈ ఇండెక్స్ సెన్సెక్స్ 1213.68 పాయింట్లు (1.64 శాతం) నష్టపోయింది. హెచ్డీఎఫ్సీ బ్యాంక్ మార్కెట్ క్యాపిటలైజేషన్ రూ.60,678.26 కోట్లు నష్టంతో రూ.10,93,026.58 కోట్లకు పరిమితమైంది. ఎల్ఐసీ ఎం-క్యాప్ రూ.43,168.1 కోట్ల పతనంతో రూ.5,76,049.17 కోట్లతో సరిపెట్టుకున్నది. రిలయన్స్ ఇండస్ట్రీస్ మార్కెట్ క్యాపిటలైజేషన్ రూ.36,094.96 కోట్లు కోల్పోయి రూ.19,04,643.44 కోట్ల వద్ద స్థిర పడింది.
ఐసీఐసీఐ బ్యాంక్ మార్కెట్ క్యాపిటలైజేషన్ రూ.17,567.94 కోట్లు నష్టంతో రూ.7,84,833.83 కోట్ల వద్ద ముగిసింది. భారతీయ స్టేట్ బ్యాంక్ (ఎస్బీఐ) ఎం-క్యాప్ రూ.11,780.49 కోట్లు కోల్పోయి రూ.7,30,345.62 కోట్ల స్థిర పడింది. ఐటీసీ ఎం-క్యాప్ రూ.3,807.84 కోట్ల పతనంతో రూ.5,40,838.13 కోట్ల వద్ద ముగిసింది.
మరోవైపు, హిందూస్థాన్ యూనీ లివర్ (హెచ్యూఎల్) మార్కెట్ క్యాపిటలైజేషన్ రూ.33,270.22 కోట్లు పుంజుకుని రూ.5,53,822.16 కోట్ల వద్ద స్థిర పడింది. టాటా కన్సల్టెన్సీ సర్వీసెస్ (టీసీఎస్) ఎం-క్యాప్ రూ.20,442.2 కోట్లు లాభ పడి రూ.14,09,552.63 కోట్ల వద్ద ముగిసింది. భారతీ ఎయిర్ టెల్ ఎం-క్యాప్ రూ.14,653.98 కోట్ల లబ్ధితో రూ.7,38,424.68 కోట్ల వద్ద నిలిచింది. ఇన్ఫోసిస్ ఎం-క్యాప్ రూ.3,611.26 కోట్ల లాభంతో రూ.5,91,560.88 కోట్ల వద్ద ముగిసింది.
గత వారం ట్రేడింగ్ ముగిసిన తర్వాత టాప్-10 సంస్థల్లో రిలయన్స్ మొదటి స్థానంలో కొనసాగుతున్నది. తర్వాతీ స్థానాల్లో టీసీఎస్, హెచ్డీఎఫ్సీ బ్యాంక్, ఐసీఐసీఐ బ్యాంక్, భారతీ ఎయిర్ టెల్, స్టేట్ బ్యాంక్ ఆఫ్ ఇండియా (ఎస్బీఐ), ఇన్ఫోసిస్, ఎల్ఐసీ, హిందూస్థాన్ యూనీ లివర్ (హెచ్యూఎల్), ఐటీసీ నిలిచాయి.