Maruti Suzuki Ignis | మారుతి సుజుకి తన పాపులర్ హ్యాచ్ బ్యాక్ మోడల్ కారు ‘ఇగ్నిస్ (Ignis)’.. రేడియన్స్ ఎడిషన్ (Radiance Edition) కారును ఆవిష్కరించింది. ఈ కారు ధర రూ.5.49 లక్షల నుంచి ప్రారంభం అవుతుంది. బేస్ సెగ్మెంట్ ఇగ్నిస్ సిగ్మా (Ignis) మాన్యువల్ ట్రాన్స్ మిషన్ ట్రిమ్ రూ.5.84 లక్షలు. కొత్త ఇగ్నిస్ రేడియన్స్ కారు ధర రూ.35 వేలు తక్కువ. సిగ్మాతోపాటు జెటా, ఆల్ఫా సహా అన్ని ట్రిమ్స్ల్లో ఇగ్నిస్ రేడియన్స్ ఎడిషన్ మార్కెట్లో అందుబాటులో ఉంటుంది. 2017లో తొలిసారి మార్కెట్లోకి వచ్చిన మారుతి సుజుకి ఇగ్నిస్ (Maruti Suzuki Ignis) ఇప్పటి వరకూ సుమారు మూడు లక్షల యూనిట్ల కార్లు విక్రయించింది. మారుతి సుజుకి తన నెక్సా నెట్వర్క్ ద్వారా మాత్రమే ఇగ్నిస్ కార్లు విక్రయిస్తుంది.
మారుతి సుజుకి తన ఇగ్నిస్ కారులో పవర్ ట్రైన్ లేదా ఇతర ఫీచర్లు యధాతథంగా కొనసాగిస్తూ వచ్చింది. కొత్తగా రేడియన్స్ ఎడిషన్ కారులో యాక్సెసరీస్ జత చేసింది. సిగ్మా ట్రిమ్ ఆధారంగా రూపుదిద్దుకున్న మారుతి సుజుకి ఇగ్నిస్ రేడియన్స్ ఎడిషన్ కారుతోపాటు రూ.3650 విలువైన 15-అంగుళాల వీల్ కవర్స్, డోర్ విజర్, క్రోమ్ యాసెంట్స్ వంటి యాక్సెసరీస్ ఉంటాయి. ఇక జెటా, ఆల్ఫా వేరియంట్లలో రూ.9,500 విలువైన న్యూ సీట్ కవర్స్, బ్లాక్ కుషన్స్, డోర్ క్లాడింగ్, డోర్ విజర్ వంటి యాక్సెసరీస్ జత చేస్తారు.
మారుతి సుజుకి ఇగ్నిస్ రేడియన్స్ ఎడిషన్ కారు 1.2 లీటర్ల 4-సిలిండర్ పెట్రోల్ ఇంజిన్తో వస్తోంది. ఈ ఇంజిన్ గరిష్టంగా 83 హెచ్పీ విద్యుత్, 113 ఎన్ఎం టార్క్ వెలువరిస్తుంది. 7-అంగుళాల ఇన్ఫోటైన్ మెంట్ సిస్టమ్ విత్ ఆండ్రాయిడ్ ఆటో, ఆపిల్ కార్ ప్లే, ఆటోమేటిక్ క్లైమేట్ కంట్రోల్, ఎలక్ట్రిక్ ఓఆర్వీఎంస్, పుష్ / స్టాప్ బటన్, టీఎఫ్టీ స్క్రీన్ ఎంఐడీ, సేఫ్టీ కోసం డ్యుయల్ ఫ్రంట్ ఎయిర్ బ్యాగ్స్, ఎలక్ట్రానిక్ స్టెబిలిటీ కంట్రోల్ (ఈఎస్సీ), ఏబీఎస్ విత్ ఈబీడీ, రేర్ పార్కింగ్ సెన్సర్లు జత చేశారు.