Reliance Jio | మొబైల్ ఫోన్ యూజర్ నుంచి సగటు ఆదాయం పెంచుకునే లక్ష్యంతో ఇటీవలే ప్రముఖ టెలికం సంస్థలు రిలయన్స్ జియో, భారతీ ఎయిర్టెల్ సంస్థలు తమ మొబైల్ ప్రీపెయిడ్, పోస్ట్ పెయిడ్ ప్లాన్ల చార్జీలు పెంచేశాయి. రిలయన్స్ జియో దీర్ఘకాలిక వ్యాలిడిటీతోపాటు వివిధ ప్లాన్లపై 10 నుంచి 27 శాతం చార్జీలు పెంచేసింది. అన్ని ప్లాన్లలోనూ మార్పులు చేసిన జియో.. తిరిగి రూ.999లతో కూడిన ప్లాన్ పునరుద్ధరించింది. ఈ నెల మూడో తేదీన పెంచిన చార్జీలతో ఆ ప్లాన్ టారిఫ్ రూ.1,199గా ఉండేది. టారిఫ్ చార్జీలు పెంచక ముందు రూ.999 ప్లాన్ కేవలం 84 రోజులకే వ్యాలిడిటీ ఉండేది. కానీఇప్పుడు దాన్ని 98 రోజులకు మార్చేసింది. గతంలో రోజూ 3జీబీ డేటా ఇచ్చిన జియో.. ఇప్పుడు దాన్ని 2జీబీ డేటాకు తగ్గించింది.
మరోవైపు ఎయిర్ టెల్ సైతం రూ.979 ప్లాన్ కింద రోజూ 2జీబీ డేటా ఆఫర్ చేసింది. రోజూ 100 ఎస్ఎంఎస్లతోపాటు అన్ లిమిటెడ్ వాయిస్ కాల్స్ చేసుకోవచ్చు. ఈ ప్లాన్ 84 రోజులు వ్యాలిడిటీ కలిగి ఉంటుంది. ఈ ప్లాన్లో 5జీ అన్ లిమిలెడ్ డేటా కలిసి ఉంటుంది. అదనంగా 56 రోజుల పాటు ఫ్రీ అమెజాన్ ప్రైమ్ మెంబర్ షిప్ అందిస్తుంది.
5జీ డేటా ప్లాన్ల కింద రోజూ 2జీబీ డేటా లేదా 4జీబీ డేటాను అందించేందుకు ఎయిర్ టెల్, జియో సంస్థలు అన్ లిమిటెడ్ 5జీ డేటా ఆఫర్ చేస్తున్నాయి. జియో కనీసం నెలవారీ ప్లాన్ కింద రూ.349, ఎయిర్ టెల్ రూ.379 ప్లాన్ తెచ్చాయి. 5జీ బూస్టర్ ప్లాన్ల కింద రోజూ 4జీబీలో ఒకటి నుంచి 1.5 జీబీ డేటా అందించేందుకు జియో రూ.101, ఎయిర్ టెల్ రూ.151 ప్లాన్ అమలు చేస్తున్నాయి.