న్యూఢిల్లీ, జూలై 26: ఐటీసి భారీ పెట్టుబడులకు సిద్ధమవుతున్నది. నిర్మాణాత్మక పోటీతత్వాన్ని పెంపొందించడానికి, భవిష్యత్తు అవసరాల నిమిత్తం స్వల్పకాలంలో రూ.20 వేల కోట్ల పెట్టుబడులు పెట్టబోతున్నట్లు కంపెనీ చైర్మన్ సంజీవ్ పూరి తెలిపారు.
వాటాదారులతో జరిగిన వార్షిక సాధారణ సర్వసభ్య సమావేశంలో ఆయన మాట్లాడుతూ..అన్ని వ్యాపారాల్లో నిర్మాణాత్మక పోటీని పెంపొందించడానికి, భవిష్యత్తు వ్యాపార విస్తరణకోసం ఈ పెట్టుబడులు పెడుతున్నట్లు చెప్పారు.
కేఫిన్ లాభం 68 కోట్లు
హైదరాబాద్, జూలై 26: ఆర్థిక సేవల సంస్థ కేఫిన్ టెక్నాలజీ ఆకర్షణీయమైన ఆర్థిక ఫలితాలు ప్రకటించింది. జూన్తో ముగిసిన మూడు నెలల కాలానికిగాను సంస్థ రూ.68.07 కోట్ల పన్నులు చెల్లించిన తర్వాత నికర లాభాన్ని ఆర్జించింది. క్రితం ఏడాది ఇదే త్రైమాసికంలో వచ్చిన రూ.43.38 కోట్లతో పోలిస్తే 57 శాతం వృద్ధిని నమోదు చేసుకున్నది. ఆదాయం 31 శాతం ఎగబాకి రూ.237.56 కోట్లకు చేరుకున్నది.