iPhone | న్యూఢిల్లీ, జూలై 26: ఐఫోన్లను కొనుగోలు చేసేవారికి యాపిల్ సంస్థ శుభవార్తను అందించింది. అన్ని రకాల ఐఫోన్ల ధరలను 3-4 శాతం వరకు తగ్గిసూ నిర్ణయం తీసుకున్నది. సార్వత్రిక బడ్జెట్లో ఎక్సైజ్ సుంకాన్ని 20 శాతం నుంచి 15 శాతానికి తగ్గిస్తూ తీసుకున్న నిర్ణయంతో ఈ ప్రయోజనాలను కొనుగోలుదారులకు బదలాయించడంలో భాగం గా సంస్థ ఈ నిర్ణయం తీసుకున్నది. దీంతో అన్ని రకాల ఐఫోన్లు రూ.300 నుంచి రూ.6 వేల వరకు తగ్గనున్నాయి.
దీంతోపాటు దేశీయంగా తయారైన ఐఫోన్లు కూడా రూ.300 చౌకవగా…ఐఫోన్ ఎస్ఈ మాడల్ ధర రూ.2,300 తగ్గింది. ఐఫోన్ 15 ప్రొ, ఐఫోన్ 15 ప్రొ మ్యాక్స్ రూ.1,29,800కి దిగొచ్చింది. తగ్గించకముందు ఇది రూ.1,34, 900గా ఉన్నది. అలాగే ఎంట్రీలెవల్ ఐఫోన్ ప్రొ మ్యాక్స్ 256 జీబీ స్టోరేజీ మాడల్ 10 శాతం తగ్గడంతో రూ.1,59,900 నుంచి రూ.1,54,000కి తగ్గింది.