Nirmala Sitaraman | పెట్రోల్, డీజిల్లను జీఎస్టీ పరిధిలోకి తెచ్చే విషయంలో రాష్ట్రాలదే తుది నిర్ణయం అని కేంద్ర ఆర్థిక మంత్రి నిర్మలా సీతారామన్ స్పష్టం చేశారు. పెట్రోల్, డీజిల్లను జీఎస్టీ పరిధిలోకి తేవడానికి కేంద్రం ఎల్లవేళలా సిద్ధంగా ఉందని 53వ జీఎస్టీ కౌన్సిల్ సమావేశం సందర్భంగా ఆమె మీడియాతో మాట్లాడుతూ ఈ సంగతి చెప్పారు. దీనిపై రాష్ట్రాలే ఉమ్మడి నిర్ణయం తీసుకోవాలని కేంద్ర మాజీ ఆర్థిక మంత్రి అరుణ్ జైట్లీ చెప్పారని గుర్తు చేశారు. శనివారం నిర్మలా సీతారామన్ అధ్యక్షతన వివిధ రాష్ట్రాలు, కేంద్ర పాలిత ప్రాంతాల ఆర్థిక మంత్రులతో కూడిన జీఎస్టీ కౌన్సిల్ సమావేశం జరిగింది.
2017 జూలై ఒకటో తేదీ నుంచి దేశవ్యాప్తంగా జీఎస్టీ అమల్లోకి వచ్చిన సంగతి తెలిసిందే. 12 రకాల వస్తువులు, సేవలను జీఎస్టీ పరిధిలో చేర్చే విషయమై ఉమ్మడి జాబితాలో చేరారు. ఆనాడే ఐదు రకాల కమొడిటీస్ – క్రూడాయిల్, నేచురల్ గ్యాస్, పెట్రోల్, డీజిల్, ఏవియేషన్ టర్బైన్ ఫ్యుయల్ (ఏటీఎఫ్)లను జీఎస్టీ చట్టంలో చేర్చారు. కానీ దీన్ని తర్వాత అమలు చేయాలని నిర్ణయించారు. దీని ప్రకారం ఈ ఐదు కమోడిటీస్ మీద కేంద్రం ఎక్సైజ్ డ్యూటీ లెవీ కొనసాగిస్తున్నది. రాష్ట్ర ప్రభుత్వాలు వ్యాట్ విధిస్తాయి. పీరియాడికల్గా కేంద్రం పెంచుతుంది. జీఎస్టీ పరిధిలోకి చమురు ఉత్పత్తులను తేవడం వల్ల కంపెనీలకు మాత్రమే కాదు వారు చెల్లించే ఇన్ పుట్ టాక్స్ కూడా ఖరారవుతుందని నిర్మలా సీతారామన్ అన్నారు. దేశవ్యాప్తంగా ఇంధనంపై ఉమ్మడి పన్ను విధానం అమల్లోకి వస్తుందని నిర్మలా సీతారామన్ చెప్పారు.