IndiGo | న్యూఢిల్లీ, జూలై 26: దేశీయ విమానయాన దిగ్గజం ఇండిగో లాభాలకు ఖర్చుల సెగ గట్టిగానే తగిలింది. జూన్తో ముగిసిన మూడు నెలల కాలానికిగాను కంపెనీ నికర లాభం ఏడాది ప్రాతిపదికన 12 శాతం తగ్గి రూ.2,728.8 కోట్లకు పరిమితమైంది. చమురు ధరలు భగ్గుమనడం, ఇతర ఖర్చులు పెరగడం వల్లనే లాభాలు తగ్గడానికి ప్రధాన కారణమని వెల్లడించింది.
అయినప్పటికీ కంపెనీ ఆదాయం 18 శాతం ఎగబాకి రూ.20,248.9 కోట్లకు చేరుకున్నది. నిర్వహణ ఖర్చులు 24 శాతం ఎగబాకి రూ.17,444.9 కోట్లకు చేరుకున్నాయి. దీంట్లో ఇంధనం కోసం రూ.6,416 కోట్ల నిధులు వెచ్చించింది.