న్యూఢిల్లీ, జూన్ 7: హెచ్డీఎఫ్సీ బ్యాంక్ కీలక నిర్ణయం తీసుకున్నది. ఎంపిక చేసిన రుణాలపై మార్జినల్ కాస్ట్ ఆఫ్ ఫండ్స్-బేస్డ్ లెండింగ్ రేటు (ఎంసీఎల్ఆర్) రేట్లను ఐదు బేసిస్ పాయింట్లు తగ్గించింది. రెండేండ్ల కాలపరిమితి కలిగిన రుణాలపై విధించే ఎంసీఎల్ఆర్ని 9.35 శాతం నుంచి 9.30 శాతానికి దిగొచ్చింది. మిగతా రేట్లు మాత్రం యథాతథంగా ఉంచింది. ఒక్కరోజు కాలపరిమితి కలిగిన రుణాలపై రేటు 8.95 శాతంగాను, నెల రుణాలపై 9 శాతం, మూడు నెలల రుణాలపై 9.15 శాతం, ఆరు నెలల రుణాలపై 9.30 శాతం, ఏడాది, రెండేండ్లు, మూడేండ్ల రుణాలపై వడ్డీరేటు 9.30 శాతంగా ఉంచింది.