Gold-Silver Rates | అంతర్జాతీయ పరిస్థితులకు అనుగుణంగా దేశీయ బులియన్ మార్కెట్లో బంగారం, వెండి ధరలకు శుక్రవారం రెక్కలొచ్చాయి. దేశ రాజధాని ఢిల్లీలో తులం బంగారం (24 క్యారట్స్) ధర రూ.810 వృద్ధితో రూ.73,400లకు చేరుకున్నదని హెచ్డీఎఫ్సీ సెక్యూరిటీస్ తెలిపింది. గురువారం పది గ్రాముల బంగారం (24 క్యారట్స్) ధర రూ.72,590 వద్ద స్థిర పడింది.
ఇక వరుసగా నాలుగో రోజు కిలో వెండి ధర పుంజుకున్నది. శుక్రవారం కిలో వెండి ధర రూ.1,500 వృద్ధితో రూ.94,000 వద్ద ముగిసింది. హెచ్డీఎఫ్సీ సెక్యూరిటీస్ కమోడిటీస్ సీనియర్ అనలిస్ట్ సౌమిల్ గాంధీ స్పందిస్తూ ‘ఢిల్లీ మార్కెట్లో స్పాట్ గోల్డ్ (24 క్యారట్స్) తులం ధర రూ.800 పుంజుకుని రూ.73,350 వద్ద నిలిచింది’ అని అన్నారు.
అంతర్జాతీయ మార్కెట్లో ‘కామెక్స్’లో స్పాట్ గోల్డ్ ఔన్స్ ధర 28 డాలర్లు పుంజుకుని 2360 డాలర్ల వద్ద స్థిర పడింది. అంచనాల కంటే యూఎస్ మాక్రో డేటా బలహీనంగా ఉందని నిర్ధారణకు రావడంతో ఇన్వెస్టర్లు బంగారంపై పెట్టుబడులకు ప్రాధాన్యం ఇచ్చారని సౌమిల్ గాంధీ తెలిపారు. 2024లో కనీసం రెండుసార్లు యూఎస్ ఫెడ్ రిజర్వ్ వడ్డీరేట్లు తగ్గిస్తుందన్న అంచనాల మధ్య బంగారం ధర పుంజుకుందన్నారు. ఔన్స్ వెండి ధర గురువారం 30.15 డాలర్లు పలికితే, శుక్రవారం 30.40 డాలర్లకు చేరుకున్నది.
నగరం – 22 క్యారట్స్ (రూ)- 24 క్యారట్స్ (రూ)
చెన్నై – 67,800 – 73,970
ముంబై- 67,150 – 73,250
ఢిల్లీ – 67,300 – 73,400
కోల్కతా- 67,150 – 73,250
బెంగళూరు- 67,150 – 73,250
హైదరాబాద్ – 67,150 – 73,250
విజయవాడ – 67,150 – 73,250
నగరం – కిలో వెండి
చెన్నై – 98,500
ముంబై- 94,000
ఢిల్లీ – 94,000
కోల్ కతా – 94,000
బెంగళూరు – 92,850
హైదరాబాద్ – 98,500
విజయవాడ -98,500