Gold Rates | అంతర్జాతీయ పరిణామాలకు అనుగుణంగా బుధవారం దేశీయ బులియన్ మార్కెట్లో తులం బంగారం (24 క్యారట్స్) ధర స్వల్పంగా రూ.80 తగ్గి రూ.72,820 వద్ద స్థిర పడిందని హెచ్డీఎఫ్సీ సెక్యూరిటీస్ తెలిపింది. మంగళవారం తులం బంగారం ధర రూ.72,900 పలికింది. మరోవైపు కిలో వెండి ధర సైతం రూ.1200 పతనమై రూ.91,900 వద్ద ముగిసింది. మంగళవారం కిలో వెండి ధర రూ.93,100 వద్ద నిలిచింది. అంతర్జాతీయ మార్కెట్లలో కామెక్స్ స్పాట్ గోల్డ్ ఔన్స్ ధర మూడు డాలర్లు తగ్గి 2332 డాలర్లకు పరిమితమైంది.
అమెరికా డాలర్ల నుంచి ఒత్తిళ్లు రావడంతోపాటు అమెరికా లేబర్ మార్కెట్ బలహీనంగా ఉండటంతో బంగారం ధర తగ్గిందని తెలుస్తున్నది. త్వరలోనే యూఎస్ ఫెడ్ రిజర్వు కీలక వడ్డీరేట్ల తగ్గింపుపై నిర్ణయం తీసుకుంటుందన్న సంకేతాలు బలపడుతున్నాయని హెచ్డీఎఫ్సీ సెక్యూరిటీస్ కమోడిటీస్ సీనియర్ అనలిస్ట్ సౌమిల్ గాంధీ తెలిపారు. ఈ నెల 12న కీలక వడ్డీరేట్లపై యూఎస్ ఫెడ్ రిజర్వు నిర్ణయం బులియన్ మార్కెట్లో బంగారం ధరలకు మార్గనిర్దేశం చేస్తుందని భావిస్తున్నారు.