Gold Rates | అంతర్జాతీయ మార్కెట్లలో పరిస్థితులకు అనుగుణంగా దేశ రాజధాని ఢిల్లీలో 24 క్యారట్ల బంగారం (తులం) ధర మంగళవారం స్వల్పంగా రూ.50 తగ్గి రూ.63,100 వద్ద స్థిర పడిందని హెచ్డీఎఫ్సీ సెక్యూరిటీస్ తెలిపింది. సోమవారం ట్రేడింగ్లో పది గ్రాముల (24 క్యారెట్స్) బంగారం ధర రూ.63,150 వద్ద ముగిసింది. మరోవైపు కిలో వెండి ధర రూ.75,400 వద్ద కొనసాగుతున్నది. హెచ్డీఎఫ్సీ సెక్యూరిటీస్ కమొడిటీస్ సీనియర్ అనలిస్ట్ సౌమిల్ గాంధీ స్పందిస్తూ.. `ఢిల్లీ మార్కెట్లలో స్పాట్ గోల్డ్ ధరలు (24 క్యారెట్స్) తులం ధర రూ.50 తగ్గి రూ.63,100 వద్ద ట్రేడ్ అయ్యాయి` అని తెలిపారు. అంతర్జాతీయ మార్కెట్లో కామెక్స్లో స్పాట్ గోల్డ్ ఔన్స్ ధర ఒక డాలర్ తగ్గి 2021 డాలర్ల వద్ద ట్రేడయింది.
అమెరికా రిటైల్ ద్రవ్యోల్బణం గణాంకాల వెల్లడికి ముందు అమెరికా బాండ్లు, డాలర్ ధర బలోపేతం కావడంతో అంతర్జాతీయ మార్కెట్లలో బంగారం ధరలు స్వల్పంగా తగ్గుతున్నాయి. మంగళవారం పొద్దు పోయిన తర్వాత అమెరికా రిటైల్ ద్రవ్యోల్బణం గణాంకాలు వెలువడతాయని సౌమిల్ గాంధీ తెలిపారు. అంతర్జాతీయంగా వెండి ఔన్స్ ధర 22.82 డాలర్లు పలికింది. ఎంసీఎక్స్ మార్కెట్లో బంగారం ప్యూచర్స్ (24 క్యారట్స్-తులం) ధర రూ.200 పెరిగి రూ.62,280 వద్దకు చేరుకున్నది. సాంకేతిక కారణాలతో ఎంసీఎక్స్ మార్కెట్లో ట్రేడింగ్ ఆలస్యంగా ప్రారంభమైంది. అంతర్జాతీయంగా కామెక్స్ మార్కెట్లో ఔన్స్ బంగారం ధర నాలుగు డాలర్లు పెరిగిందని ఎల్కేపీ సెక్యూరిటీస్ ఉపాధ్యక్షుడు, రీసెర్చ్ అనలిస్ట్ జతిన్ త్రివేది తెలిపారు.