ముంబై, ఏప్రిల్ 20: ఆభరణాల ఎగుమతులు తగ్గుముఖం పట్టాయి. 2023-24 ఆర్థిక సంవత్సరంలో జెమ్స్ అండ్ జ్యూవెల్లరీ ఎగుమతులు ఏడాది ప్రాతిపదికన 12.17 శాతం తగ్గి రూ.2,65,187.95 కోట్లు (32,022.08 మిలియన్ డాలర్లు)కు తగ్గాయని జెమ్ అండ్ జ్యూవెల్లరీ ఎక్స్పోర్ట్ ప్రమోషన్ కౌన్సిల్(జీజేఈపీసీ) వెల్లడించింది. అమెరికాలో వడ్డీరేట్లు క్రమంగా పెరుగుతుండటం, చైనా మందకొడి వృద్ధిని నమోదు చేసుకోవడం ఇందుకు కారణమని విశ్లేషించింది. 2022-23 ఆర్థిక సంవత్సరంలో రూ.3,01,925.97 కోట్లు(37,646.17 మిలియన్ డాలర్లు) విలువైన ఆభరణాలు ఎగమతి అయ్యాయి. గతేడాది ఆభరణాల ఎగుమతులు తీవ్ర ఒత్తిడిని ఎదుర్కొన్నాయని, అమెరికా ఆర్థిక వ్యవస్థ మందగించడం ఇందుకు కారణమని జీజేఈపీసీ చైర్మన్ విపుల్ షా తెలిపారు.