SBI – Challa Sreenivasulu | దేశంలోనే అతిపెద్ద ప్రభుత్వ రంగ వాణిజ్య బ్యాంక్ ‘ఎస్బీఐ’ తదుపరి చైర్మన్గా చల్లా శ్రీనివాసులు శెట్టి ఎంపికయ్యారు. ప్రస్తుతం బ్యాంకు మేనేజింగ్ డైరెక్టర్లలో ఆయన ఒకరు. ఈ మేరకు చల్లా శ్రీనివాసులు శెట్టి పేరును ఫైనాన్సియల్ సర్వీసెస్ ఇన్స్టిట్యూషన్స్ బ్యూరో (ఎఫ్ఎస్ఐబీ) కేంద్ర ప్రభుత్వానికి సిఫారసు చేసింది.
‘పనితీరు, అనుభవంతోపాటు ఇతర పారామీటర్లను పరిగణనలోకి తీసుకుని ఎస్బీఐ చైర్మన్గా చల్లా శ్రీనివాసులు శెట్టిని ఎంపిక చేశాం’ అని ఎఫ్ఎస్ఐబీ శనివారం జారీ చేసిన నోటిఫికేషన్ లో తెలిపింది. శనివారం ఎస్బీఐలోని ముగ్గురు మేనేజింగ్ డైరెక్టర్లను ఎఫ్ఎస్ఐబీ ఇంటర్వ్యూ చేసింది.
ఇంతకుముందు 2020 అక్టోబర్ ఏడో తేదీన ప్రస్తుత ఎస్బీఐ చైర్మన్ దినేష్ కుమార్ ఖరా ఎంపికయ్యారు. అయితే గతేడాది అక్టోబర్లో ఆయన పదవీ కాలాన్ని పొడిగించింది. ఆయన వయస్సు 63 ఏండ్లు వచ్చే వరకూ అంటే ఈ ఏడాది ఆగస్టు 28 వరకూ దినేష్ కుమార్ ఖరా పదవీ కాలాన్ని పొడిగించింది.
తాజాగా దినేష్ కుమార్ ఖరా స్థానంలో కొత్త ఎస్బీఐ చైర్మన్గా ఎంపికైన చల్లా శ్రీనివాసులు శెట్టి.. ప్రస్తుతం బ్యాంకు రిటైల్ అండ్ డిజిటల్ బ్యాంకింగ్ అధిపతిగా ఉన్నారు. ఏజీబీఎస్సీ పూర్తి చేసిన శ్రీనివాసులు శెట్టి.. సర్టిఫైడ్ అసోసియేట్ ఆఫ్ ఇండియన్ ఇన్ స్టిట్యూట్ ఆఫ్ బ్యాంకర్స్లో పట్టా పొందారు. 1988లో ప్రొబేషనరీ ఆఫీసర్గా ఎస్బీఐలో కెరీర్ ప్రారంభించారు. 30 ఏండ్లకు పైగా ఎస్బీఐలో సేవలందించిన చల్లా శ్రీనివాసులు శెట్టి.. కార్పొరేట్ క్రెడిట్, రిటైల్, డిజిటల్, ఇంటర్నేషనల్ బ్యాంకింగ్, అభివృద్ధి చెందిన మార్కెట్లలో బ్యాంకింగ్ విభాగాల్లో అనుభవాన్ని గడించారు.
Tata Motors | ఆరేండ్లలో 60 లక్షల కార్ల విక్రయాలు.. ఇదీ టాటా మోటార్స్ బ్లూ ప్రింట్ ..!
Maruti Suzuki Swift | మారుతి ‘సిగ’లో మరో మైలురాయి.. 30 లక్షలు దాటిన ‘స్విఫ్ట్’ సేల్స్..!
Bharti Airtel | ఎయిర్ టెల్ టారిఫ్ ప్లాన్ల మోత.. 20 శాతం వరకూ పెంపు..
July Bank Holidays | జూలైలో బ్యాంకులకు 12 రోజులు సెలవులు. .ఇవీ డిటైల్స్..!
Realme C61 5G | రియల్మీ నుంచి బడ్జెట్ ఫ్రెండ్లీ ఫోన్ రియల్మీ సీ 61 5జీ.. ఇవీ స్పెషిఫికేషన్స్..!