EPFO Alert | వివిధ సంస్థల్లో ఉద్యోగులుగా ఈపీఎఫ్ఓ సబ్ స్క్రైబర్లకు ఉద్యోగ పెన్షన్ పథకం నిబంధనలు సడలించారు. ఉద్యోగ భవిష్య నిధి సంస్థ (ఈపీఎఫ్ఓ)లో ఉద్యోగుల పెన్షన్ పథకం (ఈపీఎఫ్)-1995 ప్రకారం ఆరు నెలల కంటే తక్కువ సర్వీస్ ఉన్నా.. విత్ డ్రాయల్స్ బెనిఫిట్లు అందిస్తున్నట్లు ఈపీఎఫ్ఓ తెలిపింది. తత్ఫలితంగా ప్రతి సంవత్సరం దాదాపు ఏడు లక్షల మందికి లబ్ధి చేకూరుతుందని కేంద్ర కార్మికశాఖ వెల్లడించింది. పదేండ్ల లోపే ఉద్యోగం మానేసే ఉద్యోగులకూ విత్ డ్రాయల్ గణాంకాల్లోనూ ఈపీఎఫ్ఓ మరో మార్పు తీసుకొచ్చిందని కార్మికశాఖ వివరించింది.
ఈపీఎఫ్ఓలో పదేండ్లు సర్వీసు పూర్తి చేసుకున్న వారికే పెన్షన్ అర్హత లభిస్తుంది. అంత మేరకు వారికి ఫించను లభిస్తుంది. కొద్ది కాలానికే ఉద్యోగం మానే వారిలో ఆరు నెలల పాటు ఈపీఎఫ్ లో తమ వాటా డిపాజిట్ చేసిన వారు మాత్రమే ఇప్పటి వరకూ విత్ డ్రాయల్ ప్రయోజనాలు పొందుతున్నారు. ఆరు నెలలు, అంత కన్నా తక్కువ టైంలోనే ఉద్యోగాన్ని వీడే వారికి విత్ డ్రాయల్ బెనిఫిట్లు అందడం లేదన్న విమర్శలు ఉన్నారు. తత్ఫలితంగా పలువురు సబ్ స్క్రైబర్ల క్లయిమ్ లు తిరస్కరణకు గురవుతున్నాయని ఈపీఎఫ్ఓ గుర్తించింది. కేవలం గత ఆర్థిక సంవత్సరం (2023-24)లోనే ఏడు లక్షల మంది క్లయిమ్లు రిజెక్ట్ కావడంతో నిబంధనలు సవరించామని కేంద్ర కార్మికశాఖ తెలిపింది.
ఈ నేపథ్యంలో ఈపీఎఫ్ చట్టం -1995లోని టేబుల్-డీ కి ఈపీఎఫ్ఓ కొన్ని సవరణలు తెచ్చింది. పదేండ్ల లోపు సర్వీసు మాత్రమే కల వారు తమ ఖాతాలో డిపాజిట్ చేసిన సొమ్మును ‘టేబుల్-డీ’ ప్రకారం లెక్క కట్టి చెల్లిస్తారు. పదేండ్ల సర్వీసు కాకముందే ఉద్యోగానికి రాజీనామా చేసినా, రిటైరైనా ఈపీఎఫ్ తీసుకోవాలనుకుంటే ఆ ఉద్యోగి సర్వీసు పరిగణనలోకి తీసుకుని లెక్క గట్టి పే చేస్తారు. ప్రస్తుతం అమల్లో ఉన్న నిబంధన ప్రకారం సదరు ఉద్యోగి పని చేసిన నెలల ఆధారంగా లెక్క కట్టి చెల్లిస్తారు. తత్పలితంగా ముందస్తు విత్ డ్రాయల్స్ మీద వచ్చే మొత్తం సొమ్ము తగ్గుతుంది.
Electricity Bills | ఇక ఆ సిస్టమ్తోనే ఎలక్ట్రిసిటీ బిల్లులు పేమెంట్స్.. ఎందుకంటే..?
Most Affordable Cars | రూ.5 లక్షల్లోపు ధర గల కార్లు కావాలా.. మూడే ఆప్షన్లు.. అవేంటంటే..?!
Coca-Cola | భారత్ మార్కెట్కు కోకా కోలా గుడ్బై.. ఈ నిర్ణయం వెనుక కారణాలేంటి..?!