Economic Survey – iPhones | గ్లోబల్ టెక్ దిగ్గజం ఆపిల్ ఐ-ఫోన్ల తయారీలో భారత్ గణనీయ వృద్ధి సాధించింది. గత ఆర్థిక సంవత్సరంలో గ్లోబల్ అవసరాల్లో 14 శాతం ఐ-ఫోన్లను ఆపిల్ దేశీయంగా అసెంబ్లింగ్ చేసింది. తద్వారా భారత్ నుంచి విదేశాలకు ఎలక్ట్రానిక్ వస్తువుల ఎగుమతులు నాలుగు స్థానాలు మెరుగు పడ్డాయి. అమెరికాకు ఎలక్ట్రానిక్ ఉత్పత్తుల ఎగుమతుల విలువ 2022-23లో 2.2 బిలియన్ డాలర్లు, 2023-24కల్లా 5.7 బిలియన్ డాలర్లకు పెరిగింది. సోమవారం ఆర్థిక సర్వేను పార్లమెంటులో ప్రవేశ పెడుతూ కేంద్ర ఆర్థిక మంత్రి నిర్మలా సీతారామన్ ఈ సంగతి వెల్లడించారు.
థర్డ్ పార్టీ డేటాను ఉటంకిస్తూ 2023-24లో దేశీయంగా ఆపిల్ 14 బిలియన్ డాలర్ల విలువైన ఐ-ఫోన్లను అసెంబ్లింగ్ చేసిందని ఆర్థిక సర్వే తెలిపింది. ఇది అంతర్జాతీయంగా ఆపిల్ ఐ-ఫోన్ల ఉత్పత్తిలో 14 శాతం. కర్ణాటక, తమిళనాడు రాష్ట్రాల్లో ఆపిల్ ఐ-ఫోన్లను ఫాక్స్కాన్ తయారు చేస్తున్న సంగతి తెలిసిందే. 2018లో 0.63 శాతంగా ఉన్న ఎలక్ట్రానిక్స్ ఎగుమతులు 2022 నాటికి 0.88 శాతానికి పెరిగాయి. అంతర్జాతీయంగా భారత్ ఎలక్ట్రానిక్ ఉత్పత్తుల ఎగుమతుల ర్యాంకింగ్ 28 నుంచి 24వ ర్యాంకుకు పెరిగింది. 2018-19లో గూడ్స్ మర్చండైజ్డ్ ఎగుమతుల్లో ఎలక్ట్రానిక్స్ వస్తువుల వాటా 2.7 శాతం ఉంటే 2023-24కల్లా 6.7 శాతానికి పెరిగిందని ఆర్థిక సర్వే తెలిపింది. 2014 నుంచి 2021-22 కల్లా ఎలక్ట్రానిక్స్ తయారీ రంగంలో వృద్ధిరేటు 3.7 శాతానికి పెరిగిందని, మొత్తం జీడీపీలో ఎలక్ట్రానిక్స్ రంగం వాటా నాలుగు శాతంగా నమోదైందని ఎకనమిక్ సర్వే వెల్లడించింది.
Best Family Cars | రూ.10 లక్షల్లోపు ధరలో బెస్ట్ ఫ్యామిలీ కార్లివే.. !
Union Budget | 1947 నుంచి 2024 వరకూ బడ్జెట్లో మార్పులూ చేర్పులూ ఇలా..
Nothing Phone 2a Plus | 31న భారత్ మార్కెట్లో నథింగ్ ఫోన్ 2ఏ ప్లస్ ఆవిష్కరణ.. ఇవీ స్పెషిఫికేషన్స్..!
Union Budget 2025 | కొలువుల కల్పనే కష్టం.. నిర్మలమ్మ ‘బడ్జెట్’ ముందు సవాళ్లివే..!
Union Budget 2024-25 | ఏడో బడ్జెట్తో ఆయన రికార్డుకు విత్త మంత్రి నిర్మలమ్మ బ్రేక్..?
Tata Punch | మారుతి సుజుకి స్విఫ్ట్ను బ్రేక్ చేసిన టాటా పంచ్.. టాప్ -10 బెస్ట్ కార్లివే..!