Union Budget 2024 : నిర్మలమ్మ బడ్జెట్పై విపక్షం విరుచుకుపడుతోంది. ఏపీ, బిహార్ మినహా మిగిలిన రాష్ట్రాలకు కేంద్రం మొండిచేయి చూపిందని భగ్గమన్నాయి. లోక్సభ ఎన్నికలకు ముందు కేరళలో బీజేపీ ఖాతా తెరిస్తే రాష్ట్రానికి నిధుల వరద పారుతుందని, మేలు జరుగుతుందని కాషాయ నేతలు ఊదరగొట్టినా బడ్జెట్లో రాష్ట్రం ఊసెత్తలేదని కేరళ ఆర్ధిక శాఖ మంత్రి కేఎన్ బాలగోపాల్ అసంతృప్తి వ్యక్తం చేశారు.
ఎన్డీయే సంకీర్ణ సర్కార్ను బలోపేతం చేసుకునేలా బడ్జెట్ను రూపొందించారని దుయ్యబట్టారు. కేరళ రాష్ట్ర రెవిన్యూ వ్యయంలో కేవలం 21 శాతమే పొందుతున్నదని, కొన్ని ఇతర రాష్ట్రాలు 48-49 శాతం పొందుతున్నాయని పేర్కొన్నారు. కేరళకు ప్రత్యేక ప్యాకేజ్ ప్రకటించలేదని అన్నారు. కేరళలో బీజేపీ ఖాతా తెరిచినా రాష్ట్ర ఖాతా మాత్రం మూసివేశారని మండిపడ్డారు. ప్రతి రాష్ట్రం తనకు న్యాయంగా దక్కాల్సిన వాటాను పొందాల్సి ఉందని అన్నారు.
ఇక ప్రస్తుత ఆర్థిక సంవత్సరానికి (Union Budget 2025) సంబంధించిన పూర్తి స్థాయి బడ్జెట్ను కేంద్ర ఆర్థిక మంత్రి నిర్మలా సీతారామన్ మంగళవారం లోక్ సభలో ప్రవేశ పెట్టారు. ఈ ఆర్థిక సంవత్సరంలో మిగిలిన 8 నెలల కాలానికి వార్షిక బడ్జెట్ను ప్రవేశపెట్టారు. సార్వత్రిక ఎన్నికలకు ముందు ఈ ఏడాది ఫిబ్రవరిలో నిర్మలమ్మ తాత్కాలిక బడ్జెట్ ప్రవేశ పెట్టిన విషయం తెలిసిందే. ఇక కేంద్రంలో మరోసారి మోదీ ప్రభుత్వం అధికారంలోకి రావడంతో ఇవాళ ప్రస్తుత ఆర్థిక సంవత్సరానికి సంబంధించి పూర్తి స్థాయి బడ్జెట్ను ప్రవేశపెట్టారు.
Read More :
Vinod Kumar | మరోసారి కేంద్ర బడ్జెట్లో తెలంగాణకు మోసం : వినోద్ కుమార్