న్యూఢిల్లీ, జూలై 26: ప్రభుత్వరంగ విద్యుత్ పరికరాల తయారీ సంస్థ భెల్ మరో భారీ ఆర్డర్ను చేజిక్కించుకున్నది. దామోదర్ వ్యాలీ కార్పొరేషన్(డీవీసీ) నుంచి రూ.10 వేల కోట్ల విలువైన థర్మల్ పవర్ ప్రాజెక్టు ఆర్డర్ లభించినట్లు సంస్థ బీఎస్ఈకి సమాచారం అందించింది.
ఝార్ఖండ్లో డీవీసీ నిర్మించతలపెట్టిన రెండు 800 మెగావాట్ల థర్మల్ పవర్ స్టేషన్ ఫేజ్-2 ప్రాజెక్టులో భాగంగా బాయిలర్, టర్బైన్, జనరేటర్లు, అనుబంధ అన్ని రకాల విద్యుత్ పరికరాలు సరఫరా చేయాల్సివుంటుందని తెలిపింది. వచ్చే 52 నెలల్లో ఈ ప్రాజెక్టు పూర్తికానున్నది.