SBI – BOB Special Fixed Diposits | కేంద్ర ప్రభుత్వ రంగ బ్యాంకులు భారతీయ స్టేట్ బ్యాంక్ (ఎస్బీఐ), బ్యాంక్ ఆఫ్ బరోడా (బీవోబీ) తమ ఖాతాదారుల కోసం ప్రత్యేక ఫిక్స్డ్ డిపాజిట్ పథకాలు తెచ్చాయి. ఎస్బీఐ 444 రోజుల గడువుతో కూడిన ఫిక్స్డ్ డిపాజిట్ పథకం తీసుకొస్తే, బ్యాంక్ ఆఫ్ బరోడా.. మాన్సూన్ ధమాకా పేరిట రెండు వేర్వేరు గడువులతో స్పెషల్ ఫిక్స్డ్ డిపాజిట్ పథకాలు తెచ్చింది.
ఎస్బీఐ కొత్తగా తీసుకొచ్చిన 444 రోజుల గడువు ఫిక్స్డ్ డిపాజిట్ స్కీమ్ కింద చేసే డిపాజిట్లపై 7.25 శాతం అందజేస్తుంది. ఇతర ఫిక్స్డ్ డిపాజిట్ పథకాలతో పోలిస్తే గరిష్ట వడ్డీ అందిస్తున్న స్కీం ఇదే. ప్రస్తుతం ‘అమృత్ కలశ్’ పేరిట అమల్లో ఉన్న 400 రోజుల స్పెషల్ డిపాజిట్ పథకంపై 7.10 శాతం వడ్డీ అందుతుంది. ఇక సీనియర్ సిటిజన్లకు 50 బేసిక్ పాయింట్లు ఎక్కువ వడ్డీ లభిస్తుంది.
ఏడు రోజుల నుంచి 45 రోజుల్లోపు గడువు ఫిక్స్డ్ డిపాజిట్ పథకంపై సాధారణ పౌరులకు 3.5 శాతం, సీనియర్ సిటిజన్లకు నాలుగు శాతం, 46-179 రోజుల్లోపు గడువు పై సాధారణ పౌరులకు 5.5, సీనియర్ సిటిజన్లకు ఆరు శాతం, 180-210 రోజుల గడువు పథకంపై సాధారణ పౌరులకు 6.25, సీనియర్ సిటిజన్లకు 6.75, 211 రోజుల నుంచి ఏడాది లోపు గడువు పథకంపై సాధారణ పౌరులకు 6.5, సీనియర్ సిటిజన్లకు ఏడు శాతం వడ్డీ లభిస్తుంది. ఏడాది నుంచి రెండేండ్ల లోపు గడువుపై సాధారణ పౌరులకు 6.8 శాతం, సీనియర్ సిటిజన్లకు 7.3, రెండేండ్ల నుంచి మూడేండ్ల లోపు గడువు గల పథకంపై సాధారణ పౌరులకు ఏడు శాతం, సీనియర్ సిటిజన్లకు 7.5, ఐదేండ్ల లోపు గడువు గల పథకంపై సాధారణ పౌరులకు 6.75, సీనియర్ సిటిజన్లకు 7.25, పదేండ్ల లోపు గడువు గల పథకంపై సాధారణ పౌరులకు 6.5, సీనియర్ సిటిజన్లకు 7.50 శాతం వడ్డీ రేట్ ఆఫర్ చేస్తున్నది.
బ్యాంక్ ఆఫ్ బరోడా 333 రోజులు, 399 రోజుల గడువు పేరుతో రెండు వేర్వేరు ఫిక్స్ డ్ డిపాజిట్ పథకాలు తెచ్చింది. 333 రోజుల గడువు పథకంపై 7.15 శాతం, 399 రోజుల గడువు పథకంపై 7.25 శాతం వడ్డీ ఆఫర్ చేస్తున్నది. రెండింటిలోనూ సీనియర్ సిటిజన్లకు 50 బేసిక్ పాయింట్ల వడ్డీ అధికంగా అందజేస్తుంది.
14 రోజుల్లోపు గడువు గల ఫిక్స్ డ్ డిపాజిట్లపై సాధారణ పౌరులకు 4.25 శాతం, సీనియర్ సిటిజన్లకు 4.75 శాతం వడ్డీ అందిస్తోంది. 45 రోజుల్లోపు గడువు పథకంపై సాధారణ పౌరులకు 6 శాతం, సీనియర్ సిటిజన్లకు 6.50 శాతం, 90 రోజుల్లోపు పథకంపై సాధారణ పౌరులకు 5.6 శాతం, సీనియర్ సిటిజన్లకు 6.10 శాతం, 210 రోజుల్లోపు గడువుపై సాధారణ పౌరులకు 5.75, సీనియర్ సిటిజన్లకు 6.25, 270 రోజుల్లోపు గడువు పథకానికి సాధారణ పౌరులకు 6.15 శాతం, సీనియర్ సిటిజన్లకు 6.65 శాతం వడ్డీ అందిస్తుంది.
ఏడాది లోపు (333 రోజులు, 360రోజులు మినహా) పథకంపై సాధారణ పౌరులకు 6.25 శాతం, సీనియర్ సిటిజన్లకు 6.75 శాతం,
మాన్ సూన్ ధమాకా పథకం కింద సాధారణ పౌరులకు 7.15, సీనియర్ సిటిజన్లకు 7.65 శాతం వడ్డీ అందుతుంది. 360 రోజుల పథకం (బీవోబీ 360) పథకంపై సాధారణ పౌరులకు 7.10 శాతం, సీనియర్ సిటిజన్లకు 7.60 శాతం, ఏడాది గడువు పథకంపై సాధారణ పౌరులకు 6.85 శాతం, సీనియర్ సిటిజన్లకు 7.35 శాతం, 399 రోజుల బీవోబీ మాన్ సూన్ ధమాకా పథకంపై సాధారణ పౌరులకు 7.25, సీనియర్ సిటిజన్లకు 7.75 శాతం వడ్డీ అందుతుంది.
ఏడాది నుంచి 400 రోజుల్లోపు, 400 రోజుల నుంచి రెండేండ్ల వరకూ గడువు గల పథకంపై సాధారణ పౌరులకు 6.85, సీనియర్ సిటిజన్లకు 7.35 శాతం మూడేండ్ల లోపు సాధారణ పౌరులకు 7.15, సీనియర్ సిటిజన్లకు 7.65, ఐదేండ్ల లోపు గడువు పథకంపై సాధారణ పౌరులకు 6.5, సీనియర్ సిటిజన్లకు 7.15, పదేండ్ల లోపు పథకంపై సాధారణ పౌరులకు 6.5, సీనియర్ సిటిజన్లకు 7.50 శాతం వడ్డీ ఆఫర్ చేస్తున్నది.