Union Budget 2024 : నిర్మలమ్మ బడ్జెట్ను పురోగామి బడ్జెట్గా నీతిఆయోగ్ మాజీ సీఈవో అమితాబ్ కాంత్ అభివర్ణించారు. కేంద్ర బడ్జెట్ ప్రగతిదాయకంగా, దీర్ఘకాలిక దృష్టితో రూపొందిందని ప్రశంసించారు. రాబోయే మూడు దశాబ్ధాలకు ఈ బడ్జెట్ రోడ్మ్యాప్ అందించిందని అన్నారు. కీలకమైన ఉపాధి కల్పనపై బడ్జెట్ ప్రత్యేకంగా దృష్టిసారించడం అభినందనీయమని వ్యాఖ్యానించారు.
టూరిజం, ఎంఎస్ఎంఈ, స్టార్టప్లు, స్పేస్ వంటి భిన్న రంగాల ద్వారా ఉద్యోగాలను అందుబాటులోకి తీసుకురావడంపై దృష్టి సారించారని చెప్పారు. నగరీకరణ, నూతన పారిశ్రామిక కారిడార్లు, గ్రోత్ సెంటర్లు వృద్ధికి కీలకంగా మారతాయని తెలిపారు. ఇక మధ్యతరగతికి రూ. 17,500 వరకూ పన్ను ఆదా అవడం స్వాగతించదగిన పరిణామమని పేర్కొన్నారు. బడ్జెట్ను కేవలం పన్ను లాభాల కోణంలోనే చూడరాదని చెప్పారు.
ఆర్ధిక వ్యవస్ధ వృద్ధికి ఎలా ఊతమిస్తుందనే కోణంలో బడ్జెట్ను అంచనా వేయాల్సి ఉంటుందని వ్యాఖ్యానించారు. భారత్ వృద్ధి చెందితే మధ్యతరగతి వృద్ధి చెందుతుందని, దేశం ఎదిగితే మధ్యతరగతి కూడా ఎదుగుతుందని పేర్కొన్నారు. అందుకే ఈ బడ్జెట్ దేశ వృద్ధికి ఊతమిస్తూ మధ్యతరగతికి ప్రయోజనం అందించే ప్రయత్నం జరిగిందని వివరించారు.
ఇక ప్రస్తుత ఆర్థిక సంవత్సరానికి (Union Budget 2025) సంబంధించిన పూర్తి స్థాయి బడ్జెట్ను కేంద్ర ఆర్థిక మంత్రి నిర్మలా సీతారామన్ మంగళవారం లోక్ సభలో ప్రవేశ పెట్టారు. ఈ ఆర్థిక సంవత్సరంలో మిగిలిన 8 నెలల కాలానికి వార్షిక బడ్జెట్ను ప్రవేశపెట్టారు. సార్వత్రిక ఎన్నికలకు ముందు ఈ ఏడాది ఫిబ్రవరిలో నిర్మలమ్మ తాత్కాలిక బడ్జెట్ ప్రవేశ పెట్టిన విషయం తెలిసిందే. ఇక కేంద్రంలో మరోసారి మోదీ ప్రభుత్వం అధికారంలోకి రావడంతో ఇవాళ ప్రస్తుత ఆర్థిక సంవత్సరానికి సంబంధించి పూర్తి స్థాయి బడ్జెట్ను ప్రవేశపెట్టారు.
Read More :
FM Nirmala Sitharaman: తగ్గనున్న బంగారం, వెండి, మొబైల్ ఫోన్ల ధరలు..