Hyundai Creta – 2024 | దక్షిణ కొరియా ఆటో మేజర్ హ్యుండాయ్ మోటార్ ఇండియా (Hyundai Motor India) కీలక మైలురాయిని దాటేసింది. గత జనవరిలో మార్కెట్లో హ్యుండాయ్ ఆవిష్కరించిన న్యూ ఎస్యూవీ – క్రెటా 2024 కారు కేవలం ఆరు నెలల్లో లక్ష యూనిట్ల మైలురాయిని దాటేసింది. గత ఆరు నెలల్లో ప్రతి రోజూ 550 యూనిట్ల క్రెటా -2024 కార్లు అమ్ముడయ్యాయి. దేశీయంగా ఈ ఏడాది అత్యంత పాపులర్ కంపాక్ట్ ఎస్యూవీ కార్లలో హ్యుండాయ్ క్రెటా -2024 ఒకటిగా నిలిచింది. ‘సెన్సూయస్ స్పోర్టీనెస్’ పేరిట కొత్త డిజైన్ లాంగ్వేజ్తో వస్తున్న హ్యుండాయ్ క్రెటా – 2024 ఫేస్ లిఫ్ట్ కారుకు కస్టమర్ల నుంచి ఆదరణ పెరిగింది.
ఈ సందర్భంగా హ్యుండాయ్ మోటార్ ఇండియా సీఓఓ తరుణ్ గార్గ్ స్పందిస్తూ.. ‘న్యూ హ్యుండాయ్ క్రెటా-2024 రిమార్కబుల్ మైలురాయిని చేరుకోవడం మాకు థ్రిల్లింగ్గా ఉంది. ఈ సెగ్మెంట్లో అభిమానులను పొందిందని పునరుద్ఘాటిస్తున్నాం. భారత ఆటోమొబైల్ రంగంలో హ్యుండాయ్ క్రెటా నూతన మైలురాళ్లు సెట్ చేసి, కస్టమర్లను ఆహ్లాదపరుస్తుందని మేం విశ్వసిస్తున్నాం’ అని పేర్కొన్నారు.
హ్యుండాయ్ క్రెటా -2024 కారు మూడు వేర్వేరు ఇంజిన్ ఆప్షన్లలో లభిస్తోంది. 1.5 లీటర్ల నేచురల్లీ ఆస్పిరేటెడ్ పెట్రోల్ ఇంజిన్, 1.5 లీటర్ల టర్బో చార్జ్డ్ పెట్రోల్ ఇంజిన్, 1.5 లీటర్ల డీజిల్ ఇంజిన్ ఆప్షన్లలో అందుబాటులో ఉంది. 6-స్పీడ్ మాన్యువల్ ట్రాన్స్ మిసన్, ఇంటెలిజెంట్ వారియబుల్ ట్రాన్స్ మిషన్, 7-స్పీడ్ డీసీటీ (డ్యుయల్ క్లచ్ ట్రాన్స్ మిషన్), 6-స్పీడ్ టార్క్ కన్వర్టర్ ఆటోమేటిక్ ట్రాన్స్ మిషన్ ఆప్షన్లలో లభిస్తుంది.
హ్యుండాయ్ -2024 అడాస్, సిక్స్ ఎయిర్ బ్యాగ్స్, బ్లైండ్ వ్యూ మానిటర్, 360 డిగ్రీ కెమెరా, టైర్ ప్రెషర్ మానిటరింగ్ సిస్టమ్, ఎలక్ట్రానిక్ పార్కింగ్ బ్రేక్ విత్ ఆటో హోల్డ్, హిల్ హోల్డ్ కంట్రోల్, స్టెబిలిటీ కంట్రోల్, ఎమర్జెన్సీ స్టాప్ సిగ్నల్, అదనపు సేఫ్టీ ఫీచర్లు ఉంటాయి. హ్యుండాయ్ క్రెటా -2024 కారు ధర రూ.13.24 లక్షల నుంచి రూ.24.37 లక్షల (ఎక్స్ షోరూమ్) మధ్య లభిస్తుంది. ఈ కారు ఈ, ఈఎక్స్, ఎస్, ఎస్(ఓ), ఎస్ఎక్స్, ఎస్ఎక్స్ టెక్, ఎస్ఎక్స్ (ఓ) వేరియంట్లలో అందుబాటులో ఉంది.