అమరావతి : ఏపీ కాంగ్రెస్ కమిటీ అధ్యక్షురాలు వైఎస్ షర్మిల ( YS Sharmila ) ముఖ్యమంత్రి చంద్రబాబు (Chandrababu) నాయుడికి గురువారం లేఖ రాశారు. రాష్ట్రాన్ని ఇటీవల కుదుపేసిన వర్షాల వల్ల తీవ్ర పంట నష్టం(Crop damage) జరిగిందని పేర్కొన్నారు. పంట దెబ్బతిన్న రైతులకు నష్టపరిహారాన్ని (Compensation ) అందజేయాలని ఆమె డిమాండ్ చేశారు.
వర్షం వల్ల కోస్తా జిల్లాలో భారీగా పంట నష్టం జరిగిందని వెల్లడించారు. పంట కాలువలు మరమ్మతులకు నోచుకోకపోవడం వల్ల వర్షం నీరు పంట పొలాల్లో చేరి తీవ్ర నష్టం జరిగిందని అన్నారు. భారీ వర్షాలకు జరిగిన నష్టంపై క్యాబినేట్ మంత్రులు, ఎంపీలు, స్థానిక ఎమ్మెల్యేలు మీ దృష్టికి తీసుకురాకపోవడం విచారకరమని పేర్కొన్నారు.
రాష్ట్ర ప్రభుత్వం యుద్ధ ప్రాతిపదికన స్పందించి రాష్ట్రంలో జరిగిన పంట నష్టంపై అధికారులను క్షేత్రస్థాయికి పంపి నివేదికలను తెప్పించుకోవాలని సూచించారు.అదేవిధంగా జరిగిన నష్టాన్ని అంచనా వేసి తగు నష్ట పరిహారాన్ని రైతులకు అందించాలని డిమాండ్ చేశారు.
గత ప్రభుత్వం కాలువల మరమ్మతులకు కేటాయించిన నిధులను దారి మళ్లించడంతో కాలువల మరమ్మతును , పూడిక మట్టిని తొలగించడంలో ఘోరం విఫలమైందని ఆరోపించారు. మీరైనా నిధులను కేటాయించి జిల్లా అధికారులచేత కాలువల మరమ్మతు (Canals repair ) పనులను పూర్తి చేయించాలని కోరారు.
Chandrababu | జగన్ లాంటి వ్యక్తులకు రాజకీయాల్లో అర్హత లేదు : ఏపీ సీఎం చంద్రబాబు
Pawan Kalyan | శాంతి భద్రతలపై ప్రత్యేక చర్చను కోరిన పవన్కల్యాణ్.. అంగీకరించిన చంద్రబాబు