Union Budget 2024 : ఆర్ధిక శాఖ మంత్రి నిర్మలా సీతారామన్ పార్లమెంట్లో మంగళవారం ప్రవేశపెట్టిన కేంద్ర బడ్జెట్ బాగా నిరుత్సాహపరిచిందని ఏపీ కాంగ్రెస్ చీఫ్ వైఎస్ షర్మిల అసంతృప్తి వ్యక్తం చేశారు. బడ్జెట్లో అసలు ఏమీ లేదు..గణాంకాలపై స్పష్టత లేదు, బడ్జెట్ కేవలం మ్యానిఫెస్టోలా ఉందని పెదవివిరిచారు. బడ్జెట్లో అంకెలు ఉండాల్సి ఉన్నా కేవలం ప్రకటనలు, హామీలే ఉన్నాయని వ్యాఖ్యానించారు.
ఏపీ ప్రజలకు సైతం ఈ బడ్జెట్తో ఒరిగిందేమీ లేదని దుయ్యబట్టారు. ఎన్నో విషయాలపై అస్పష్టత ఉందని, ఏపీ ప్రజలను ఈ బడ్జెట్ బాగా నిరాశపరిచిందని షర్మిల పేర్కొన్నారు. ఇక ప్రస్తుత ఆర్థిక సంవత్సరానికి (Union Budget 2025) సంబంధించిన పూర్తి స్థాయి బడ్జెట్ను కేంద్ర ఆర్థిక మంత్రి నిర్మలా సీతారామన్ మంగళవారం లోక్ సభలో ప్రవేశ పెట్టారు.
ఈ ఆర్థిక సంవత్సరంలో మిగిలిన 8 నెలల కాలానికి వార్షిక బడ్జెట్ను ప్రవేశపెట్టారు. సార్వత్రిక ఎన్నికలకు ముందు ఈ ఏడాది ఫిబ్రవరిలో నిర్మలమ్మ తాత్కాలిక బడ్జెట్ ప్రవేశ పెట్టిన విషయం తెలిసిందే. ఇక కేంద్రంలో మరోసారి మోదీ ప్రభుత్వం అధికారంలోకి రావడంతో ఇవాళ ప్రస్తుత ఆర్థిక సంవత్సరానికి సంబంధించి పూర్తి స్థాయి బడ్జెట్ను ప్రవేశపెట్టారు.
Read More :
Union Budget | క్యాన్సర్ రోగులకు ఊరట.. మందులపై సుంకం ఎత్తివేత