అమరావతి : ఆంధ్రప్రదేశ్లో(Ap Elections) వైసీపీ(YCP) ఘోర పరాజయం వైపు దూసుకెళ్తున్నది. ఆంధ్రప్రదేశ్లో కూటమి సునామీ సృష్టిస్తోంది. భారీ ఆధిక్యం దిశగా పయనిస్తున్నది. మొత్తం 175 అసెంబ్లీ స్థానాలు ఉన్న ఏపీలో టీడీపీ-జనసేన-బీజేపీ కూటమి 155 స్థానాల్లో ఆధిక్యంలో దూసుకెళ్తోంది. వైసీపీ కేవలం 14 స్థానాల్లో మాత్రమే లీడింగ్లో ఉంది. అయితే వైపీసీ ప్రతిపక్ష హోదా అయినా దక్కుతుందా అనేది ఇప్పుడు రాజకీయవ వర్గాల్లో చర్చనీయాంశంగా మారింది.
ప్రతిపక్ష హోదా దక్కాలంటే 18 మంది ఎమ్మెల్యేలు గెలువాలి. అయితే ఇప్పటి వరకు వెలువడిన ఫలితాల ప్రకారం వైసీపీ 14 స్థానాల్లో మాత్రమే ఆధిక్యంలో కొనసాగుతున్నది. ఈ నేపథ్యంలో ఆ పార్టీకి ప్రతిపక్ష హోదా దక్కుతుందా లేదా అనేది ఆసక్తికరంగా మారింది. కాగా, కాగా, ఏపీలో టీడీపీ పార్టీ ఘన విజయం సాధించింది. దీంతో ఈ నెల 9వ తేదిన అమరావతిలో చంద్రబాబు నాయుడు ప్రమాణస్వీకారం చేయనున్నారు.