అమరావతి : ఏపీ ప్రభుత్వం గురువారం నుంచి ప్రారంభించిన అన్న క్యాంటీన్లపై మాజీ మంత్రి, వైసీపీ నాయకుడు కాకాణి గోవర్దన్ రెడ్డి(Kakani Goverdan Reddy) తీవ్ర స్థాయిలో మండిపడ్డారు. ప్రజల నుంచి విరాళాలు సేకరించి అన్నక్యాంటీన్లు (Anna Canteens) ప్రారంభించడం, వాటికి పచ్చ రంగు(Yellow Colors) వేయడం ఎంతవరకు సబబు అని ప్రశ్నించారు. క్యాంటీన్లలో ఫొటోలు చంద్రబాబువి (Chandrababu), విరాళాలు ప్రజలవా అంటూ నిలదీశారు.
గురువారం నెల్లూరులో ఏర్పాటు చేసిన మీడియా సమావేశంలో ఆయన మాట్లాడారు. ప్రజలకు అనేక హామీలు ఇచ్చి అధికారంలోకి వచ్చిన చంద్రబాబు ప్రభుత్వ పథకాలను ఎత్తివేసి పేదలకు పప్పన్నం పెడుతున్నారని విమర్శించారు.
14 సంవత్సరాలు ముఖ్యమంత్రిగా పనిచేసిన బాబు 16 మంది సీనియర్ ఐపీఎస్లను (Senior IPS) వేధించడం అనైతిక పాలనకు పరాకాష్ట అని ఆరోపించారు. ఎన్నికల ఫలితాలు వెలువడిన నాటి నుంచే టీడీపీ నాయకులు ఇసుక దోపిడి చేస్తున్నారని, 40 లక్షల టన్నుల ఇసుకను స్టాక్యార్డుల నుంచి మాయం చేశారని ఆరోపించారు.