తిరుమల : తిరుమల భీష్మ ఏకాదశి పర్వదినాన్ని పురస్కరించుకుని రేపు ( శనివారం ) ఉదయం 6 నుంచి 9 గంటల మధ్య తిరుమలలో నాదనీరాజనం వేదికపై విష్ణు సహస్రనామ అఖండ పారాయణం నిర్వహించనున్నట్లు టీటీడీ అధికారులు వెల్లడించారు. వేదపండితులు శేషాచార్యులు, నరసింహం, బ్రహ్మచారి పర్యవేక్షణలో మూడుసార్లు విష్ణు సహస్రనామం పారాయణం జరుగుతుందన్నారు.
ఎస్.వి. వేద విఙ్ఞాన పీఠం, ఎస్.వి. వేద విశ్వవిద్యాలయం, టీటీడీ వేదపండితులు, టీటీడీ సంభావన పండితులు, జాతీయ సంస్కృత విశ్వవిద్యాలయాల పండితులు, అధ్యాపకలు ఈ కార్యక్రమంలో పాల్గొంటారని తెలిపారు. ఎస్వీబీసీ ప్రత్యక్ష ప్రసారం ద్వారా శ్రీవారి భక్తులు తమ ఇళ్లలోనే పారాయణంలో పాల్గొని స్వామివారి కృపకు పాత్రులు కావాలని కోరారు.