అమరావతి : ఏపీ ముఖ్యమంత్రిగా చంద్రబాబు నాయుడు (Chandra Babu) ప్రమాణ స్వీకారానికి ముహుర్తం ఖరారు అయ్యింది . ఈనెల 12న గన్నవరం విమానాశ్రయం సమీపంలోని కేసరపల్లి ఐటీ పార్క్ వద్ద స్థలంలో ఉదయం 11. 27 గంటలకు ప్రమాణ స్వీకారం చేయనున్నారు. ఈ సందర్భంగా టీడీపీ(TDP) ఏపీ అధ్యక్షుడు అచ్చెన్నాయుడు, నాయకుడు డీటీ జనార్దన్ తదితరులు వేదిక స్థలాన్ని పరిశీలించారు.
చంద్రబాబు ముఖ్యమంత్రిగా ప్రమాణ స్వీకారానికి ప్రధాని నరేంద్ర మోదీ(Narendra Modi) , కేంద్ర మంత్రులు, పలు రాష్ట్రాల ముఖ్యమంత్రులు హాజరు కానున్నారు. చంద్రబాబు నాలుగోసారి ముఖ్యమంత్రిగా ప్రమాణ స్వీ్కారం చేయనున్నారు.
ఉమ్మడి రాష్ట్రంలో 1995, 1999 వ సంవత్సరంలో రెండుసార్లు ముఖ్యమంత్రిగా ప్రమాణ స్వీకారం చేయగా రాష్ట్రం విభజన తరువాత 2014-19 వరకు ఆంధ్రప్రదేశ్కు ముఖ్యమంత్రిగా పనిచేశారు. ఇటీవల జరిగిన ఎన్నికల్లో 175 సీట్లకు గాను టీడీపీ సొంతగా 134 సాధించగా కూటమి సభ్యులైన జనసేన 21, బీజేపీ 8 సీట్లతో విజయం సాధించింది. దీంతో చంద్రబాబు మరోసారి ముఖ్యమంత్రి ప్రమాణ స్వీకారం చేయనున్నారు.