అమరావతి : ఆంధ్రప్రదేశ్ ఎన్నికల ప్రధానాధికారి ముఖేష్ కుమార్ మీనా (MK Meena) గవర్నర్ అబ్దుల్ నజీర్( Governor Nazeer) ను గురువారం కలిశారు. ఇటీవల జరిగిన ఎన్నికల్లో ఎన్నికైన అభ్యర్థుల జాబితాతో పాటు ఓటింగ్ వివరాలతో కూడిన నివేదికను అందజేశారు.
మొత్తం ఏపీలో 175 అసెంబ్లీ (Assembly), స్థానాలకు, 25 పార్లమెంట్(Parliament) స్థానాలకు పోటీ చేసిన అభ్యర్థులు, వారిలో గెలిచిన అభ్యర్థులు, వారికి వచ్చిన ఓట్లు , పోలింగ్, ఓటింగ్ శాతం తదితర వివరాలతో తయారు చేసిన జాబితాను గవర్నర్కు అందజేశారు. షెడ్యూల్ వెలువడ్డ నాటి నుంచి నామినేషన్లు, విత్ డ్రాలు, స్క్రూట్నీ, ఫైనల్గా పోటీలో ఉన్న అభ్యర్థుల జాబితాను ఉన్న పార్లమెంట్, అసెంబ్లీ నియోజకవర్గాల వారీగా అందజేశారు.