అమరావతి : ఏపీలో పోస్టల్ బ్యాలెట్ల వ్యవహారంపై కేంద్ర ఎన్నికల సంఘం(Election Commission) మరోమారు స్పష్టత ఇచ్చింది. 13ఏ ఫాంపై అటెస్టేషన్ అధికారి సంతకం ఉంటే సరిపోతుందని, సీల్(Seal) హోదా లేకున్నా ఓటు చెల్లుబాటు అయ్యే విధంగా గుర్తించాలని రిటర్నింగ్ అధికారులకు( Returning Officers) ఆదేశాలు జారీ చేశారు.
ఆర్వో ధ్రువీకరణ తర్వాతే అటెస్టేషన్ అధికారి 13ఏ ఫాంపై సంతకం చేశారని, ఈ మేరకు ఏపీ సీఈవోకు కేంద్ర ఎన్నికల సంఘం ప్రిన్సిపల్ సెక్రటరీ అవినాష్ కుమార్ వెల్లడించారు. ఈ నిబంధనలపై వైసీపీ నాయకులు పేర్నినాని(Perni Nani), మంత్రి మేరుగు నాగార్జున (Minister Nagarujana) తదితరులు అభ్యంతరం తెలియజేస్తూ బుధవారం రాష్ట్ర ఎన్నికల సంఘానికి ఫిర్యాదు చేసింది.
ఈ ఫిర్యాదు పై ఈసీ మరోసారి స్పష్టతను ఇచ్చింది. గతంలో స్టాంప్ లేకపోయినా, చేతితో రాసినా ఆమోదించాలని ఈసీ ఆదేశించారని గుర్తు చేశారు. కానీ ఇప్పుడు కొత్తగా అలా స్టాంప్ వెయ్యకపోయినా, చేత్తో రాయకపోయినా సరే ఆమోదించమని అంటున్నారని పేర్కొన్నారు. దేశంలో ఏ రాష్ట్రంలో లేని నిబంధన ఇక్కడే ఎందుకు తీసుకొచ్చారని వెల్లడించారు.